ताजा समाचार

प्रेम गीत ३ का लागि क्रिष्टिना गुरुङ अनुबन्ध

बागमती प्रदेश
- न्युज-नेपाल
       

काठमाडाैं । सन्तोष सेनको निर्माण तथा निर्देशनमा बन्न लागेको चलचित्र ‘प्रेम गीत ३’का लागि कृष्टिना गुरुङ छानिएकी छन् ।

क्रिष्टिनालाई प्रेम गीत ३ मा छनोट गरिएको भन्दै निर्देशक सेनले सामाजिक संजाल फेसबुकमा जानकारी गराएका छन् । चलचित्रको स्कृप्टमा कृष्टिना सुहाउने देखिएपछि अन्तिम छनोटमा परेका २५ बाट उनलाई लिनु परेको सेनले दावी गरेका छन् ।

कुनै प्रतिष्पर्धा नभएर चलचित्रको पात्रमा खड्किएको माग क्रिष्टिनाले पुरा गर्ने देखेपछि उनलाई लिनु परेको भन्दै सेनले अन्य कलाकार समेत प्रतिभाशाली भएको जनाएका छन्  ।

क्रिष्टिना अमेरिकाबाट नेपाल आएर प्रेम गीतको अडिसनमा सहभागी भएको समेत सेनले जनाएका छन् । क्रिष्टिना आत्मविश्वासी, सुन्दर र प्रतिभाशाली भएको सेनको दावी छ ।

कुल दुई हजार ७ सय १४ जना युवतीले अडिशन दिएकोमा पछि शीर्ष २५ छानिएका थिए । शीर्ष २५ मध्येबाट चलचित्रको गीतको रुपमा गुरुङ छानिएकी हुन् ।

Comments

प्रकाशित मिति : 2019-06-30

अरु समाचार

© NewsNepal 2018 - All Right Reserved.
newsnepal.com 2017.hlon.org