ताजा समाचार

थप ८२ जनामा कोरोना संक्रमण, उपत्यकामा ६ जना

समाचार
- न्युज-नेपाल
       

काठमाडौं । आइतबार थप ८२ जनामा कोरोना संक्रमण देखिएको छ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार विगत २४ घण्टामा देशभर ८२ जनामा कोरोना संक्रमण देखिएको हो।

यीसहित हालसम्म कुल संक्रमितको संख्या १६ हजार ८ सय १ पुगेको छ। यीमध्ये काठमाडौं जिल्लामा ३ जना थपिएको उनले जानकारी दिए।

त्यस्तै विगत २४ घण्टामा कोरोनाबाट १ सय ४७ निको भएका छन्। यीसहित हालसम्म निको हुनेको संख्या ८ हजार ५ सय ८९ पुगेको छ।

हालसम्म मृतक ३८ जनामा कोरोना पुष्टि भएको छ। विगत २४ घण्टामा ३ हजार ९ सय १६ जनाको पिसिआर परीक्षण भएको छ।

विश्वमा हालसम्म १ करोड २८ लाख बढी संक्रमित भएका छन्। ५ लाख ६८ हजार बढीको निधन भएको छ।

Comments

प्रकाशित मिति : 2020-07-12

अरु समाचार

© NewsNepal 2018 - All Right Reserved.
newsnepal.com 2017.hlon.org