शैक्षिक सुधारको माग गर्दै अनेरास्ववियूले उपकुलपतिलाई बुझायो १८ बुँदे ज्ञापनपत्र

काठमाडाैं । माओवादी केन्द्रनिकटको विद्यार्थी संगठन अखिल क्रान्तिकारीले स्वतन्त्र विद्यार्थी युनियन (अनेरास्ववियु)ले त्रिभुवन विश्वविद्यालयको शैक्षिक सुधारको माग गर्दै उपकुलपतिलाई १८ बुँदे ज्ञापनपत्र बुझाएको छ ।

अनेरास्ववियू क्रान्तिकारीका उपाध्यक्ष तथा शिक्षा विभाग प्रमुख तिलकराज भण्डारीले स्वतन्त्र विद्यार्थी युनियनको निर्वाचनको ठोस र मूर्त कार्यतालिका यथाशीघ्र सार्वजनिक गर्नुपर्ने, राजनीतिक भागवण्डाका आधारमा विश्वविद्यालयका पदाधिकारी नियुक्ति गर्ने प्रणाली खारेज गर्नुपर्नेलगायतका मागसहित ज्ञापनपत्र बुझाएको बताए ।

त्यस्तै, त्रिभुवन विश्वविद्यालयका आङ्गिक क्याम्पसमा निजी ढंगले सञ्चालित सम्पूर्ण शैक्षिक कार्यक्रमको दायित्व विश्वविद्यालयले लिने व्यवस्था, विश्वविद्यालयका सबै क्याम्पसमा पढ्ने बेरोजगार विद्यार्थीका लागि हप्ताको कम्तिमा २० घण्टा रोजगारीको ग्यारेण्टी, कोभिड- १९ र लकडाउनको समयावधिको सम्पूर्ण शुल्क मिनाहा, स्वास्थ्य बीमाको व्यावहारिक कार्यान्वयन गर्दै एउटा शैक्षिक कार्यक्रममा एकपटक मात्र बीमा शुल्क लिने व्यवस्था गर्नुपर्ने माग अनेरास्ववियू क्रान्तिकारीले गरेको छ ।

त्यस्तै, सेमेस्टर प्रणालीलाई प्रभावकारी बनाउन पाठ्यक्रम परिमार्जन, शुल्कमा एकरूपता वैज्ञानिक परीक्षा प्रणाली, समयमा नतिजा प्रकाशनको सुनिश्चितता हुनेगरी शैक्षिक क्यालेण्डर व्यवस्थित, आंगिक र सम्बन्धन प्राप्त क्याम्पसहरूमा सञ्चालित शैक्षिक कार्यक्रमको शुल्कमा एकरूपता कायमका साथै प्रत्येक वर्ष शुल्कवृद्धि हुने प्रणाली खारेज गर्नुपर्ने माग पनि अनेरास्ववियू क्रान्तिकारी राखेको छ । अनेरास्ववियू क्रान्तिकारीले ज्ञापनपत्रमार्फत विश्वविद्यालय र विद्यार्थी संगठनबीच विगतमा भएका सहमति पनि यथाशीघ्र कार्यान्वयन गर्न माग गरेको छ ।

ज्ञापन पत्रः                                                                       

Comments