अखिल(क्रान्तिकारी )द्वारा सामुदायीक र सस्थागत विद्यालयलाई ७२ घण्टे अल्टिमेटम

शिक्षा

- न्युज नेपाल

काठमाडौं । अखिल (क्रान्तिकारी) काठमाडौंले संविधानमा व्यवस्था भए अनुरुप शिक्षा व्यवस्थाको कार्यान्वयन गर्नुपर्ने माग गर्दै जिल्ला शिक्षा संन्वयन समितिलाई ज्ञापनपत्र बुझाएको छ ।
नेपाल कम्युनिस्ट पार्टी (माओवादी केन्द्र) सम्बद्द विद्यार्थी संगठन अखिल(क्रान्तिकारी )का केन्द्रीय सदस्य एवम काठमाडौं जिल्ला इन्चार्ज यादव ढुंगानाको नेतृत्वमा गएको टोलीले जिल्ला शिक्षा संन्वयन समिती र महानगर शिक्षा भिभागलाइ १६ बुँदे मागसहितको ज्ञापनपत्र बुझाएको हो ।
अखिल क्रान्तिकारीले कानुनभन्दा बाहिर शुल्क लिने विद्यालयहरुलाई तुरुन्त कारवाही गर्नुपर्ने, सामुदायिक विद्यालयका शिक्षक शिक्षिकाका छोराछोरी सोहि विद्यालयमा अध्यापन गराउनुपर्ने, जनअन्दोलन लगायत परिवर्तनकारी आन्दोलनका सहिद ,बेपत्ता र घाइते परिवारका सन्ततिलाई छात्रवृत्तिको व्यवस्था हुनपर्ने लगायतका माग राखेको छ ।
त्यस्तै, विदेशी पाठ्यक्रम ,विदेशी नामाकरण र विदेशी व्यवस्थापन तथा सम्बन्धनबाट संचालित सबै विद्यालयहरु तुरुन्त खारेज हुनपर्ने पत्रमा उल्लेख गरिएको छ ।
अखिल क्रान्तिकारीले यी मागहरु पुरा गर्न ७२ घन्टाको अल्टिमेटम दिएको छ । उक्त समयमा आफ्ना मागहरु पुरा नभए आन्दोलनका कार्यक्रमहरु घोषणा गर्ने चेतावनी समेत दिएको छ ।