शनिवार राजावादी प्रदर्शन देखिए शुरुमै दमन !

Breaking News

- न्यूज नेपाल

काठमाडाैं । सरकारले राजावादी प्रदर्शन र कुनैपनि गतिविधिमा निर्मम बन्ने निर्णय गरेको छ ।

शुक्रबार काठमाडाैंको तीनकुने र आसपासको क्षेत्रमा राजावादी प्रदर्शनको क्रममा भएको हिंसात्मक गतिविधिका कारण सुरक्षा व्यवस्था मिलाउन प्रहरीले प्रदर्शन देखिए शुरुमै दमन गर्ने रणनीति तयार पारेको हो ।

शुक्रबारको प्रदर्शनको क्रममा दुई जनाको निधन भइसकेको छ भने ट्रमा सेन्टरमा उपचाररत एकजनाको अवस्था चिन्ताजनक रहेको बताइएको छ । यस्तोमा प्रहरीले थप हिंसा भड्किन नदिनका लागि दमनको नीति अख्तियार गरेको बताइएको छ।

‘प्रदर्शनको नाममा हिंसा भड्काउने विषय कानूनको दायराभित्र पर्दैन । प्रदर्शन देखिए शुरुमै निस्तेज पार्ने उपाय अवलम्बन हुन्छ ।’ प्रहरी उच्च स्रोतले भन्यो

राजावादीहरूको प्रदर्शनमा नेपाल प्रहरीका ५३, सशस्त्र प्रहरीका २२ र प्रदर्शनकारीतर्फ ३५ जना घाइते भएका थिए ।

सरकारी र निजी गरी १५ वटा सवारीसाधनमा क्षति पुर्‍याएका थिए । १४ स्थानमा आगजनी, ९ स्थानमा तोडफोड र एक ठाउँमा लुटपाट भएको प्रहरीले जनाएको छ ।