रास्वपाको कन्तविजोगः रविले बोलाएको कार्यक्रममा न्यून सहभागिता, घटेकै हो क्रेज ?

काठमाडाैं । राष्ट्रिय स्वतन्त्र पार्टीले चितवनबाट शुरु गरेको जनयात्रा खल्लो हुन पुगेको छ । रास्वपा सभापति रवि लामिछानेले चितवनको गेष्ट हाउस चौरमा आह्वान गरेको सभामा मुस्किलले १५ सय मान्छे उपस्थित भएपछि रास्वपालाई नराम्रो धक्का लागेको छ ।

पार्टी उपसभापति डा. स्वर्णिम वाग्लेदेखि सांसद हरी ढकालले घोक्रो फुलाएर रविलाई थुनामा लगिएको विषयमा विरोध गरे । तर, उनीहरुले सहकरी ठगी जस्तो गम्भीर विषयलाई भने राजनीतिकरणको प्रयास गरे ।

रविलाई पूर्पक्षका लागि थुनामा पठाउन आदेश गर्ने उच्च अदालत तुलसीपुर बुटवल इजलासका न्यायाधीशद्वय रमेश ढकाल र स्वीकृति पराजुलीले लिएका आधार कारणलाई समेत स्वर्णिमले मानमर्दनको प्रयास गरे ।

स्वर्णिमले फैसला पूर्ववत रुपमै तयार पारिएको गम्भीर आरोप समेत लगाए । उनले अदालतको मानहानी हुने गरि सभामा उत्तेजना र अदालतप्रति अनास्थआ फैलाउन खोजेपनि न्यून सहभागीताले रास्वपाको लोकप्रियतामाथि नै प्रश्न उठेको छ ।

‘रविलाई थुनामा पठाउने आदेशपछि चितवनमा ठूलो संख्यामा जनताको सहभागीताको अपेक्षा थियो । त्यहि अनुसार सुरक्षा व्यवस्था पनि मिलाएका थियाैं । तर, उल्टो भइदियो वा रास्वपाप्रति जनताको विश्वास घट्यो, सहभागीता मुस्किलले १५ सयको हाराहारीमा देखिए । सुरक्षा पनि चुस्त बन्यो । कार्यक्रममा कुनै किसिमको उत्तेजना र भड्काव सिर्जना भएन् ।’ एक सुरक्षा निकायका अधिकारीले न्यूज नेपालसँग भने ।

‘चितवनको गेष्ट हाउस चोकमै कार्यक्रम गर्ने रास्वपाको यसअघिको कार्यक्रममा मान्छे खचाखच हुन्थे । अब स्थिति यस्तो रहेन ।’ रास्वपाका एक नेता भन्छन्, सभापति नै सहकारी ठगीमा पक्राउ परेकाले पनि होला, मानिसमा विश्वास उड्न पो थाल्यो ।’

सरकारले रविलाई अदालतको आदेश बमोजिम पक्राउ गरेर रुपन्देही जिल्ला प्रशासन कार्यालयमा राखेको छ । सोमबार सरकारी कार्यालय खुल्ने भएकाले अदालत समयभित्र उपस्थित गराएर कारागार चलान गरिने बताइएको छ ।

सूर्य थापाको कटाक्ष
सहकारी ठगी सम्बन्धिको छानविनको माग रवि आफैले गरेको स्मरण गराउदै एमाले सांसद सुर्य थापाले रास्वपा सभापति रवि लामिछानेमाथि कटाक्ष गरेका छन् । छानविन समितिले प्रतिवेदनमै खोट देखाएको तर क्लिन चिट पाए भन्दै अफवाह फैलाएको आरोप समेत थापाले लगाएका छन् । विभिन्न जिल्ला अदालतबाट धराैटी माग्दा न्याय पाइयो भनेको तर, धराैटी धेरै भयो भन्दै उच्च अदालत जाँदा पूर्पक्षका लागि थुनामा पठाएको थापाको छ । तर, रास्वपा र रवि लामिछानेले अदालतप्रति अनास्था फैलाउन खोजेको आरोप थापाको छ । उसोतः थापाले हरेक व्यक्तिले आफ्नो पाैरख दशा दुर्दशा भोग्नुपर्ने भनेका छन् । थापा सहकारी ठगी सम्बन्धि संसदीय छानविन समितिको संयोजक थिए ।

Comments