ज्याम्च्याङ भोटेले गरे सगरमाथाको नौं पटक सफल आरोहण, जलवायु परिर्वतन र पर्यावरण संरक्षणमा नयाँ सन्देश प्रवाह !

“Grow Greenery, Save the Earth” भन्ने सन्देश समेटिएको झण्डा सगरमाथामा !

breaking news

- न्यूज नेपाल sunil bhattarai

काठमाडौं । नेपालका प्रसिद्ध पर्वतारोही ज्याम्च्याङ भोटेले सगरमाथाको नौं पटक सफल आरोहण गर्नुभएको छ ।

२०८२ साल जेठ ५ गते सोमबार (१९ मे २०२५) का दिने विश्वको सर्वोच्च शिखर सगरमाथाको सफल आरोहण गर्न सफल हुनुभएको हो । यो उहाँको नवौं सगरमाथा सफल आरोहण हो, जसले भोटेलाई विश्वभरिको पर्वतारोहण क्षेत्रमा एक सक्षम र अनुभवी पर्वतारोहीको रूपमा स्थापित गराएको छ ।

त्यस्तै, यस ऐतिहासिक आरोहणका क्रममा उहाँले CK Research and Greenery Promotion Pvt. Ltd. को तर्फबाट “Grow Greenery, Save the Earth” भन्ने पर्यावरणीय सन्देश समेटिएको झण्डा सगरमाथाको शिखरमा पुयाएर वातावरण संरक्षणको सन्देश विश्वभर प्रवाह गर्नु भएको छ ।

मुख्य रुपमा “वन पुनःस्थापना र हरियाली प्रवर्द्धन हाम्रो अभियान” भन्ने नारालाई आत्मसात गर्दै उहाँले संसारभरिका आरोही तथा पर्यावरणप्रेमीहरूलाई हरित भविष्य निर्माणतर्फ प्रेरित गर्न सन्देशमूलक झण्डा फहराउनु भएको हो ।

वन, वातारण, प्राकृतीक सम्पदा तथा पर्यावरणको संरक्षण,संर्वद्धन गर्ने उदेश्यले स्थापना गरएको सीके रीसर्च एण्ड ग्रीनरी प्रमोसन प्रा.लीले स्थापनाकाल बाट नै यस क्षेत्रमा विभिन्न कार्यक्रम गर्दै आईरहेको छ ।

सगरमाथामा झण्डा फहराउनाले जलवायु परिवर्तन, वनजंगलको संरक्षण र हरियाली प्रवर्द्धनका साथै जनचेतना अभिवृद्धिमा टेवा पुयाउने विश्वास प्रा.लीका अध्यक्ष छिन्डुम मेनक्पा भोटेले गरेका छन् ।

नेपाल र विश्व पर्वतारोहण जगतमा ज्याम्च्याङ भोटे एक प्रतिष्ठित पर्वतारोहीका रूपमा परिचीत हुनुहुन्छ । उहाँको यो उपलब्धिले नेपालको गौरव बढाउनुका साथै वातावरणीय चेतनाको क्षेत्रमा नयाँ उदाहरण प्रस्तुत गरेको विश्वास व्यक्त गरिएको छ ।