एमाले केन्द्रीय समिति बैठक ललितपुरमा, के गर्लान् ओलीले ?

breaking news

- न्यूज नेपाल

काठमाडाैं । विवादास्पद बनेको एमाले नेतृत्वको सवालकैबीच केन्द्रीय समिति बैठक शुरु हुँदैछ ।

पूर्वराष्ट्रपति विद्यादेवी भण्डारीको सदस्यता विवाददेखि एमाले अध्यक्ष केपी ओलीको नेतृत्वमा प्रश्न उठिरहेको बेला हुने भएको बैठकमा चासोका साथ हेरिएको छ ।

एमालेको १० औं केन्द्रीय समिति बैठक बुधबार बिहान ११ बजेदेखि ललितपुरको भनिमण्डलस्थित रामबाघ महलमा सुरु हुने एमाले प्रचार विभाग प्रमुख राजेन्द्र गौतमले जानकारी दिएका छन्।

गएको भदौ २४ गते जेनजी आन्दोलनको क्रममा केन्द्रीय कार्यालयमा आगजनी भएपछि एमालेले रामबाघ महलमा बैठक गर्न लागेको हो।

यसअघि असोज २७ गतेदेखि सुरु हुने भनिएको बैठक तयारी नपुगेको भन्दै एमालेले आजदेखि गर्न लागेको हो। बैठक असोज ३१ गतेसम्म चल्ने बताइएको छ।

बैठकको सुरुमा अध्यक्ष केपी शर्मा ओलीले समसामयिक राजनीतिक घटनाक्रम समेटिएको राजनीतिक प्रतिवेदन पेश गर्ने कार्यसूची रहेको गौतमले जानकारी दिए।