पशुपति क्षेत्र विकास र नेपाल एयरलाइन्समा भनेको नियुक्ति दिलाउने सर्तमा पर्यटन सचिव बने मुकुन्द निराैला

काठमाडाैं । सोमबारको मन्त्रिपरिषद् बैठकले सरुवा गरेका सचिव मुकुन्द प्रसाद निरौलाले प्रधानमन्त्री सुशीला कार्कीको स्वकिय सचिव आदर्श श्रेष्ठको काम फत्ते गर्ने सर्तमा संस्कृति पर्यटन तथा नागरिक उड्डयन मन्त्रालयमा पुग्ने अवसर पाएका छन् ।

विवादास्पद छवीका सचिव निराैलाले पशुपति क्षेत्र विकास समिति र नेपाल एयरलाइन्समा आदर्शले भनेको व्यक्तिलाई नियुक्ति दिलाउने सर्तमा पर्यटनमन्त्रालयको सचिवमा सरुवा लिएका हुन् ।

सोमबारको मन्त्रिपरिषद् बैठकले दुई सचिवको सरुवा गर्दा निराैलाले प्रधानमन्त्री कार्कीका स्वकिय सचिवलाई प्रभावमा पारेको खुल्न आएको छ ।

सचिव निराैला यसअघि तत्कालीन मुख्यसचिव बैकुण्ठ अर्याललाई भ्रष्टाचार आरोप लाग्दा समेत बचाउने भन्दै अनेक ठाँउ र शक्तिकेन्द्रमा धाउने गर्थे । यस्तै, संघीय मामिला सचिव हुँदा पनि कर्मचारीको सरुवा बढुवादेखि होटेलमा मस्ती गरेको रकम स्थानीय तहका कार्यकारीलाई जबरजस्ती तिर्न लगाउने काम गर्ने गरेको स्रोतको दाबी छ ।

जहाँ कार्यक्षेत्र बनाएर पुग्यो त्यहि विवादमा आउने सचिव निराैला दरबारमार्गमा मदिराले लठ्ठिएर अनेक प्रलोभन दिदै गरि भेटिन्थे । २५ डिसेम्बर २०२४ मा समेत दरबारमार्गस्थित ओरियन्ट क्याफेमा निराैलाले प्रहरीका केहि अधिकारीलाई आफू गृहसचिव बन्न लागेको भन्दै हाँक समेत दिने गर्थे ।

निराैलाले प्रहरीलाई मात्रै नभई श्रम मन्त्रालयमा हुँदा म्यानपावर व्यवसायीलाई धम्क्याउने, होटेलको बिल तिर्न लगाउने जस्ता काम गर्ने गरेको आरोप लाग्ने गरेको थियो । उनले सार्वजनिक खरिदमा हुँदा ठकेदारलाई धम्क्याउने गरेका उनी जहाँ पुग्यो त्यहि बबण्डर गर्ने गरेको स्रोतको दाबी छ ।

Comments