शक्तिशाली ठान्ने विनोद चाैधरीलाई जताकतै झड्काः अदालतकै आदेशमा भ्रम फैलाउने बाध्यता !

breaking news

- न्यूज नेपाल

काठमाडाैं । नियोसी (NEOSEA) ब्रान्डका इलेक्ट्रिक भ्यानहरू आयात र बिक्री गर्दै आएको एम्बर मोटर्स प्रा.लि.ले डलर अर्बपति विनोद चाैधरीको सिजी ग्रुपले भ्रमपूर्ण समाचार फैलाएको भन्दै आपत्ति जनाएको छ ।

काठमाडाैं जिल्ला अदालतको हवाला दिदै सिजी मोटर्स र उनीहरु संबद्ध विभिन्न संस्थाहरुले एम्बर मोटर्स प्रा.लिलाई नियोसी ब्राण्डका इलेक्ट्रिक सवारी बिक्री तथा आयातमा रोक लगाएको भन्दै भ्रम सिर्जना गरेपछि एम्बर मोटर्सले कडा आपत्ति जनाएको हो ।

पुस ८ गते जारी भएको जिल्ला अदालत काठमाडाैंको आदेशमा सि.जि. मोटर्स प्रा.लि. र चिनियाँ कम्पनी चोङछिङ कुवायुविरुद्ध (CHONGOING KUAYUE (Group) CO., LTD ) बीच करारको विवादसँग सम्बन्धित रहेको र यहि कारणले नियोसी (NEOSEA) इलेक्ट्रिक भ्यानको आयात र बिक्रीमा कुनै पनि रोकावटको विषय उल्लेख नभएको बताइएको छ ।

‘एम्बर मोटर्स प्रा.लि.ले बिक्रि र अफ्टर सेल्स सेवामा निरन्तर उत्कृष्टता र ध्यान पुर्याउने सुनिश्चित गर्दै, नियोसी इलेक्ट्रिक भ्यानको बिक्री र सेवा कार्यलाई बिना कुनै समस्याका अघि बढाइरहेको छ। यस सन्देशलाई साझा गर्दै सबैलाई बुझ्नका लागि हाम्रो अनुरोध छ।’ विज्ञप्तिमा भनिएको छ ।

यो पनि पढ्नुहोसः केवाइसी भ्यानमा सिजीको सिन्डिकेट, विनोद चाैधरीको ध्यान अदालतको दुरुपयोगमा !

उसोतः सिजी मोटर्सले चिनियाँ कम्पनीसंगको सम्झाैतामा नेपाल र चीनको अदालतमा मुद्दा नै नचल्ने सहमति गरेका थिए । त्यो सहमतिअनुसार उनीहरुले सिंगापुरमा विवाद समाधानका निम्ति जानुपर्ने थियो । तर, विनोद चाैधरीले शक्तिको आडमा नेपालमै राइदाईं गर्न खोज्दा समेत उच्च अदालत पाटनले सिजीको विरुद्धमा यसअघि नै आदेश जारी गरिसकेको थियो ।

सम्बन्धित समाचार शीर्षकः विनोद चाैधरीको मोनोपोली उच्च अदालत पाटनले पारिदियो चक्नाचुर, केवाइसी भ्यानको विवाद सुल्झियो