गोर्खा ब्रुअरी कर छली मुद्दा सर्वोच्चमा स्थगित

Breaking News

- न्यूज नेपाल

काठमाडाैं । गोर्खा ब्रुअरीविरुद्ध सर्वोच्च अदालतमा चलिरहेको मुद्दा आजपनि स्थगितमा परेको छ।

प्रधानन्यायाधीशमा मनोज शर्माको इन्ट्रिसंगै रास्वपा सरकारले भन्दै आएको छिटो मुद्दा टुंगिने अपेक्षा गरिएपनि गोर्खा ब्रुअरीको कर छली मुद्दा भने स्थगितमा परेको हो।

देशका विभिन्न अदालतमा मुद्दा खेपिरहेको गोर्खा ब्रुअरीको कर छली मुद्दा राजस्व न्यायाधीकरण हुँदै अदालत प्रवेश गरेको हो। गोर्खा ब्रुअरीले ३०/३२ करोडको कर छली गरेको बतान्छ। २०८१ असार ५ गते दर्ता भएको कर छलीको मुद्दामा विभिन्न कारण अहिलेसम्म पेण्डिङमा पर्न सफल भएको देखिन्छ।

सर्वोच्च अदालतमा पनि गएको साउन १२ गते र चैत्र २३ गते पेशीमा चढेपनि हेर्न नभ्याइने सूचीमा परेको देखिन्छ। त्यसपछि आजका लागि तोकिएको पेशी पनि ९८ नम्बरमा स्थगितमा हालिएको हो।

गोर्खा ब्रुअरीले कसरी कर छली जस्तो गम्भीर मुद्दामा पनि उन्मुक्तिको बाटो सहजै भेट्टाएको छ भन्ने विषय चासोमा देखिन्छ। यस्तै, गोर्खा ब्रुअरीको मुद्दा हेर्दा उच्च अदालत पोखराका न्यायाधीश नरबहादुर शाही बर्खास्तीमै परेका छन्। न्यायाधीश जीवनहरी अधिकारी र रामचन्द्र यादवले राजीनामा नै दिएर बाहिरिएका छन्। (गोर्खा ब्रुअरी कर छली प्रकरणमा न्यायाधीश सपना प्रधान मल्ल नेतृत्वको छानविन समितिले शाहीलाई बर्खास्ती गरेको थियो भने केहिले उन्मुक्ति पाएका थिए। यसबारे विस्तृत समाचार आउनेछ।)