ताजा समाचार

चिलीलाई पराजित गर्दै कन्फेडेरेसन कप फुटबलको उपाधि पहिलो पटक जर्मनीलाई

खेलकुद
-
       

काठमाडौं, १९ असार । कन्फेडेरेसन कप फुटबलको उपाधि जर्मनीले जितेको छ । चिलीलाई १–० गोलले पराजित गर्दै जर्मनीले कन्फेडेरेसन कप फुटबलको उपाधि जितेको हो ।

गएराति रुसको सेन्ट पिटर्सबर्गमा भएको फाइनलमा कोपा अमेरिका विजेता चिलीलाई पराजित गर्दै जर्मनीले पहिलो पटक कन्फेडेरेसन कपको उपाधि जितेको हो । २० औं मिनेटमा लार्स स्टिन्डलले गरेको गोल नै जर्मनीको जितमा निर्णायक बन्यो । चिलीका मार्सेलोलो दिएजको गल्तीको फाइदा उठाउँदै स्टिन्डलले गोल गरेका हुन् ।

फाइनलअघि तेस्रो स्थानका लागि भएको खेलमा मेक्सिकोलाई २–१ ले हराउँदै पोर्चुगल तेस्रो भयो । पोर्चुगलका लागि पेपे र एड्रियन सिल्भाले गोल गरे । पोर्चुगलका नेटोले आत्मघाती गोल गरेर मेक्सिकोका लागि एक गोल उपहार दिए ।

Comments

प्रकाशित मिति : 2017-07-03

अरु समाचार

© NewsNepal 2018 - All Right Reserved.
newsnepal.com 2017.hlon.org