ताजा समाचार

नेपाल र बंगलादेशबीच आज मैत्रीपूर्ण फुटबल हुँदै

खेलकुद
-
       

काठमाडौं, २७ असार । नेपाल र बंगलादेशबिच आज मैत्रीपूर्ण खेल हुँदैछ । एएफसी २३ वर्षमुनिको च्याम्पियनसिप छनोटको तयारीमा रहेको नेपाल र बंगलादेशबिचको खेल एन्फा कम्प्लेक्स सातदोबाटोमा दिउँसो ३ बजे सुरु हुनेछ ।

मैत्रीपूर्ण खेलका लागि आफ्नो टोली तयारी अवस्थामा रहेको नेपाली टोलीका मुख्य प्रशिक्षक राजुकाजी शाक्यले बताए । उनले आउँदो हप्ता युएईमा हुने एसियन कप छनोटका लागि आजको मैत्रीपूर्ण खेलले सहयोग गर्ने बताए । त्यस्तै कप्तान विमल घर्ती मगरले १६ वर्षमुनि र १९ वर्षमुनि टोलीमा समावेश खेलाडी सहभागी भएकाले पनि तयारी राम्रो रहेको बताए ।

दिउँसो हुने खेल हेर्न टिकट अहिले बिहान १० बजेदेखि लिन सकिने एन्फाले जनाएको छ । २३ वर्षमुनिको एसिया कप छनौटमा आउँदो हप्ता नेपालले युएईमा घरेलु टोलीसहित, उज्वेकिस्तान र लेबनानसँग खेल्ने छ ।

Comments

प्रकाशित मिति : 2017-07-11

अरु समाचार

© NewsNepal 2018 - All Right Reserved.
newsnepal.com 2017.hlon.org