ताजा समाचार

महिला विश्वकप क्रिकेटको उपाधि इङ्ल्यान्डले जित्यो, भारत ९ रनले पराजित

खेलकुद
-
       

काठमाडौं, ९ साउन । आईसीसी महिला क्रिकेट विश्वकपको उपाधि इङ्ल्यान्डले हात पारेको छ । लर्ड्समा भएको फाइनल खेलमा भारतलाई ९ रनले हराउँदै इङ्ल्याण्डले उपाधि हात पारेको हो । २ सय २९ रनको लक्ष्य पछ्याएको भारतले ४८ दशमलव ४ ओभरमा सबै विकेट गुमाएर २ सय १९ रनमात्रै बनाएपछि इङ्ल्याण्ड ९ रनले विजयी हुँदै उपाधि जितेको हो ।

भारतका लागि पुनम राउतले ८६, हरमनप्रित कौरले ५१ तथा वेदा कृष्णमुर्तीले ३५ रनको योगदान दिए । इङ्ल्याण्डको जितमा एन्या श्रब्सोल एक्लैले ६ विकेट लिए । यसअघि पहिले ब्याटिङ गरेको इङ्ल्याण्डले निर्धारित ५० ओभरमा ७ विकेटको क्षतिमा २ सय २८ रन बनाएको थियो । उसका लागि नाटली साइबरले ५१ तथा सारा टेलरले ४५ रन बनाएका थिए ।

Comments

प्रकाशित मिति : 2017-07-24

अरु समाचार

© NewsNepal 2018 - All Right Reserved.
newsnepal.com 2017.hlon.org