ताजा समाचार

रेडबुल राष्ट्रिय महिला भलिबल आजदेखि पोखरामा, राष्ट्रिय स्तरका पाँच टिमको सहभागिता

खेलकुद
-
       

पोखरा, ६ भदौं । छैटौं रेडबुल राष्ट्रिय महिला भलिवल प्रतियोगिता आजदेखि शुरु हुदैछ । हिन्दु नारीहरुको महान पर्व तिज पर्वको अवसरमा पोखराको लामाचौरमा छैटौं रेडबुल राष्ट्रिय महिला भलिवल प्रतियोगिता आयोजना गरिएको हो ।

उद्घाटन खेलमा डिफेन्डिङ च्याम्पियन शिवम न्यू डायमण्ड एकेडेमी र विभागीय नेपाल पुलिस क्लबबीच प्रतिस्पर्धा हुने प्रतियोगिता संयोजक सुशिल कुमार श्रेष्ठले जानकारी दिए । तीन दिनसम्म चल्ने प्रतियोगितामा राष्ट्रिय स्तरका पाँच टिमको सहभागिता रहेको छ ।

समूह ‘ए’ मा न्यू डायमण्ड र नेपाल पुलिस क्लब तथा समूह ‘बी’ मा नेपाल एपिएफ क्लब, पश्चिमाञ्चल र जावलाखेल भलिबल प्रशिक्षण केन्द्र रहेको छ । प्रतियोगिताको बिजेताले ७५ हजार, उपविजेताले ५० हजारको साथमा ट्रफी, मेडल र प्रमाणपत्र प्राप्त गर्ने छन् । तेश्रो हुनेले २० हजार र सान्त्वना हुनेलाई १५ हजार प्रदान गरिने छ ।

Comments

प्रकाशित मिति : 2017-08-22

अरु समाचार

© NewsNepal 2018 - All Right Reserved.
newsnepal.com 2017.hlon.org