ताजा समाचार

रोनाल्डोलाई चौथो सन्तानको रुपमा पुत्री लाभ, छोरीको नाम अलाना मार्टिना

खेलकुद
-
       

एजेन्सी, २७ कात्तिक । पोर्चुगिज स्टार स्ट्राइकर क्रिष्टियानो रोनाल्डोलाई पुत्री लाभ भएको छ । गत असारमा जुम्ल्याहा बच्चा पाएका रोनाल्डोले चौथो बच्चाको रुपमा छोरी पाएका हुन् । रोनाल्डोका २३ वर्षीय मोडल प्रेमिका जर्जिना रोड्रिगेजले आइतबार छोरीलाई जन्म दिएकी हुन् । रोनाल्डोले आफ्नो अफिसियल ट्वीटर पेजबाट छोरीको जन्म भएको खुलाएका छन् ।

रोनाल्डोले मड्रिडको एक अस्पतालमा प्रेमिका रोड्रीगेज र ठुलो छोरासँगको फोटो सार्वजनिक गर्दै लेखेका छन्, “अलाना मार्टिनाको भर्खर जन्म भयो, जर्जिया र अलाना दुवै ठिक छन् । हामी सबै खुशी छौ ।”

स्पेनिस क्लब रियल मड्रिडका स्ट्राइकर रोनाल्डोले गत असारमा सरोगेसीमार्फत जुम्ल्याहा बच्चा माटियो र इभालाई जन्म दिएका थिए । यस्तै रोनाल्डोले यसअघि एक अपरिचित आमाबाट पहिलो सन्तानको रुपमा क्रिस्टियानो जुनियरलाई जन्माएका थिए । क्रिस्टियानो जुनियर अहिले ७ वर्ष पुगिसकेका छन् ।

Comments

प्रकाशित मिति : 2017-11-13

अरु समाचार

© NewsNepal 2018 - All Right Reserved.
newsnepal.com 2017.hlon.org