ताजा समाचार

भैरहवा ईपीएलको फाइनलमा, उपाधिका लागि शनिवार विराटनगरसँग भिड्ने

खेलकुद
-
       

काठमाडौं, १३ पुस । भैरहवा ग्लार्डिटर्स र विराटनगर बारियर्स एभरेष्ट प्रिमियर लिग क्रिकेटको फाइनलमा पुगेका छन् । यी दुईबीच उपाधिका लागि शनिबार खेल हुनेछ । बिहीबार भएको दोस्रो क्वालिफायरमा भैरहवाले ललितपुरमाथि ३ विकेटको रोमाञ्चक जित हात पार्दै उपाधी नजिक पुगेको हो । यसअघि नै विराटनगर बारियर्स फाईनलमा पुगिसकेको छ ।

त्रिवि क्रिकेट मैदान किर्तिपुरमा ललितपुरले दिएको १ सय ३३ रनको लक्ष्य भैरहवाले ३ बल बाँकी छदा ७ विकेट गुमाएर भेट्टायो । भैरहवाले अन्तिम ओभरमा दुई छक्का र एक बलमा एक रन जोड्दै लक्ष्य भेट्टायो ।

अन्तिम ओभरमा १३ रन चाहिएकोमा लागि रोहित पौडेलले लगातार दुई छक्का हानेर भैरहवालाई जिताएका हुन् । उनी २८ रनमा नटआउट । यसअघि पहिले व्याटिङ गरेको ललितपुरले निर्धारित २० ओभरमा ६ विकेट गुमाएर १ सय ३२ रन बनाएको थियो । उसका लागि जयकिशन कोल्सावालाले ४२, सन्नी पटेलले २४ र कप्तान ज्ञानेन्द्र मल्लले २० रन बनाए ।

 

 

Comments

प्रकाशित मिति : 2017-12-28

अरु समाचार

© NewsNepal 2018 - All Right Reserved.
newsnepal.com 2017.hlon.org