भदौ १ देखि विद्यार्थी भर्ना र परीक्षा सञ्‍चालन हुने

शिक्षा

- न्युज-नेपाल

काठमाडौं। विद्यार्थी भर्ना भदौ १ गतेबाट गर्ने निर्णय गरिएको छ।

विद्यार्थी भर्ना, शैक्षिक र अन्य परीक्षा सञ्चालन गर्ने निर्णय मन्त्रिपरिषद्को बैठकले गरेको हो।

सरकारले गत चैत ११ गतेबाट लकडाउन घोषणा गरेसँगै सम्पूर्ण शैक्षिक कार्यक्रम पनि बन्द गरेको थियो। ६ चैतबाट हुन लागेको माध्यमिक शिक्षा परीक्षा (एसईई) पनि स्थगित भएको थियो। विश्वविद्यालयस्तरका परीक्षा तथा अध्ययन अध्यापन पनि बन्द भएका थिए।

यो बीचमा सरकारले वैकल्पिक शिक्षण अभ्यास गरेको थियो। एसईई परीक्षालाई विद्यालयको आन्तरिक मूल्यांकनको आधारमा गर्ने निर्णय गरेको थियो।

साउन १५ भित्र एसईईको नतिजा सार्वजनिक गर्ने गरी राष्ट्रिय परीक्षा बोर्डले तयारी थालेको छ।

साउन १५ देखि होटल, रेस्टुरेन्ट खोल्न दिइने

संस्कृति, पर्यटन तथा नागरिक उड्डयन मन्त्रालयले तोकेको मापदण्डअनुसार साउन १५ गतेदेखि होटल, रेस्टुरेन्ट सेवा सञ्चालन गर्न दिइने भएको छ । मन्त्रिपरिषद् बैठकले होटल, रेस्टुरेन्ट खुला गर्ने तर सामूहिक भोज, पार्टी, सेमिनार गर्न नपाइने निर्णय गरेको प्रवक्ता खतिवडाले जानकारी दिए ।

त्यस्तै हिउँदे सिजनको पर्यटन व्यवसायलाई ध्यानमा राखेर पर्यटनसँग सम्बन्धी ट्रेकिङ, ट्राभल, पर्वतारोहण एजेन्सी खुल्ने, बुकिङ सुरु गर्न दिइने भएको छ ।