ताजा समाचार

सांसदहरुले आज शपथ लिँदै, हिन्दीदेखि संस्कृतमा लिन निवेदन

राजनीति
- न्यूज नेपाल
       

काठमाडौं । प्रतिनिधिसभामा निर्वाचित सवै सदस्यहरुले आज (बिहीबार) पद तथा गोपनियताको शपथ लिँदैछन् । उनीहरुलाई १५ भाषामा शपथ लिने व्यवस्था मिलाइएको संसद सचिवालयले जनाएको छ ।

प्रतिनिधिसभाका ज्येष्ठ सदस्य पशुपति शमशेर जबराले दिउँसो १ बजे संघीय संसद भवन नयाँबानेश्वरमा शपथ गराउने कार्यक्रम रहेको छ । जबराले भने राष्ट्रपति विद्यादेवी भण्डारीसँग हिजै (बुधबार) शितल निवासमा सपथ लिइसकेका छन् ।

शपथ ग्रहण सकिएपछि सांसदहरुलाई लोगो प्रदान गर्ने कार्यक्रम छ । सांसदहरुको सम्मानमा चियापान कार्यक्रम राखिएको छ । अधिकांश सांसदहरुले नेपाली भाषामा शपथ ग्रहण गर्ने छन् । बाँबी २६ जनाले मातृभाषामा शपथ ग्रहण गर्ने भएका छन् ।

बिहीबार बिहान ११ बजेसम्म निवेदन दिने समय भएकाले नेपाली बाहेक अन्य भाषामा शपथ लिनेको संख्या बढ्नसक्ने आकलन गरिएको छ । शपथ हिन्दीदेखि संस्कृतसम्मका भाषामा शपथ गराउन निवेदन परेको जनाइएकाे छ ।

Comments

प्रकाशित मिति : 2022-12-22

अरु समाचार

© NewsNepal 2018 - All Right Reserved.
newsnepal.com 2017.hlon.org