ज्ञानेन्द्रको शासन व्यहोरेको भए बिपी पनि गणतन्त्रवादी हुनुहुन्थ्योः शंकर पोखरेल

breaking news

- न्यूज नेपाल

काठमाडाैं । नेकपा एमालेका महासचिव शंकर पोखरेलले राजावादी उग्रताप्रति आक्रोश पोखेका छन् ।

सामाजिक सञ्जालमार्फत महासचिव पोखरेलले पूर्वराजा ज्ञानेन्द्र शाहको शासन व्यहोर्नुपरेको भए बिपी कोइराला पनि गणतन्त्रको पक्षमा उभिने दाबी गरेका छन् ।

बिपीभन्दा गिरिजाप्रसाद कोइराला संवैधानिक राजसंस्थाको पक्षमा रहेको उल्लेख गर्दै महासचिव पोखरेलले भनेका छन्, ‘त्यसैले नेपालमा लोकतन्त्र र राजसंस्था संगै जान सक्दछ भन्नेहरुले बुझ्नु पर्दछ पूर्वराजा ज्ञानेन्द्रको शासन वेहोर्नु परेको भए विपि पनि गणतनत्रका पक्षमा उभिनुहुन्थ्यो । किनकी विपिको समयमा विपि भन्दा वढि नै संवैधानिक राजसंस्थाका हिमायती हुनुहुन्थ्यो गिरिजाप्रसाद कोइराला ।’

राजसंस्थाको पक्षमा आन्दोलनमा उत्रिएको राप्रपाले विपीको शालिकमा कालोमोसो दल्ने, तोडफोड गर्ने जस्ता अमर्यादित काम गरेको भन्दै पोखरेलले कांग्रेसभित्रका राजावादीलाई समेत यसतर्फ सचेत गराएका छन् ।

राजावादी आन्दोलनको संयोजक रहेका धवलशमशेर जबराको गृहजिल्लामा प्रदर्शन भइरहेको व्यवहारले उनीहरु के चाहन्छन भन्ने पुष्टी हुने भन्दै पोखरेलले आक्रोश पोखेका हुन् ।