रघुवीर महासेठलाई लखेट्ने रणनीतिमा लीला श्रेष्ठ: मधेसमा आक्रोश

काठमाडाैं । संविधान जारी भएपछि मधेसमा चलेको एमाले निषेध अभियान खस्किदै गएको छ । कुनैबेला एमाले र अध्यक्ष केपी ओलीलाई निषेध गर्ने भन्दै विभिन्न दल, व्यक्ति र संस्थासमेतले चलाएको अभियान पूर्णतः असफल बन्न पुगेको छ।

मधेसमा रघुवीर महासेठलाई पार्टीको जिम्मा लगाउदै अध्यक्ष ओलीले शुरु गरेको अभियानले सार्थकता पाउँदा अहिले एमालेले मधेसमा ठूलो फड्को मार्न सफल भएको छ । २०७९ को निर्वाचनबाट एमालले स्थानीय तह, प्रदेश र संघमा राम्रो नतिजा प्राप्त गर्नुका साथै मधेसमा एमालेले पकड थप बलियो पार्न थालेको छ ।

मधेसमा यसरी एमालेलाई बलियो पारेका रघुवीर पछिल्लो समय भने कोपभाजनमा पर्न थालेका छन् । मधेसको लामो समय इन्चार्जसिप सम्हालेपनि पार्टीलाई उचाईमा पुर्‍याउन नसकेका लीलानाथ श्रेष्ठको ठाडो आदेशमा रघुवीरलाई निषेध गर्न थालिएको छ ।

मधेसको सिरहा जिल्लाको अधिवेशन मंगलबार हुँदैछ । यसमा प्रधानमन्त्री समेत रहेका अध्यक्ष केपी ओली उपस्थित हुने कार्यक्रम तय भएको छ । तर, रघुवीर भने कोपभाजनमा पर्दा सम्मेलनमा बोलाइएका छैनन् ।

लीलानाथको आदेशमा बोलाउने नेताहरुको लिस्टमा नाम नभएका कारण रघुवीरलाई नबोलाइएको सिरहाका कार्यवाहक अध्यक्ष नविन यादवले न्यूज नेपाललाई जानकारी दिएका छन् । लीलानाथले मधेसमा गुटको राजनीतिलाई फेरि सक्रिय बनाउन थालेको भन्दै नेताहरुले चर्को असन्तुष्टी जनाउन थालेका छन् । तर, यसलाई रोक्न अध्यक्ष ओलीबाहेकले सक्लान? चासोका साथ यो विषयलाई हेर्न थालिएको छ।

को हुन लीलानाथ श्रेष्ठ ?
लीलानाथ श्रेष्ठ अकुत सम्पत्तिका मालिक रहेको आरोप पार्टीभित्रै लाग्ने गर्छ । अझं केहिले त उनलाई सम्पत्तिको रक्षा गर्नकै लागि वामपन्थी राजनीतिमा लागेको आरोप लगाउने गर्छन् । लीलानाथका बुवाले गरिव किसान तथा बालबालिकाको प्रयोग गरि बिडी उत्पादन गर्ने गर्थे । लीला बिडी मधेशमा चर्चित र प्रख्यात समेत छ । यसरी सुर्ति र बिडी उत्पादनबाट मनग्य सम्पत्ति आर्जन गरेको लीलानाथको परिवार मधेसको राजनीतिलाई कब्जा गर्ने प्रयत्नमा जुटेको आरोप समेत लागिरहेको छ ।

मधेसमा एमालेलाई बलियो पार्न खटेका रघुवीरलाई निषेध गर्दै लीलानाथले चालेको कदममा एमालेले निर्णायक हस्तक्षेप चाल्दै पार्टीलाई पारदर्शी र व्यक्ति नभई संस्था केन्द्रित बनाउला ? मधेसमा चासो र चिन्ता बढेको छ ।

Comments