सक्रिय राजनीतिका लागि विद्यादेवीको दाैडधुप बाक्लियो, हेटाैडा जाँदै

breaking news

- न्यूज नेपाल

काठमाडाैं । पूर्वराष्ट्रपति विद्यादेवी भण्डारी एमालेको सक्रिय राजनीतिमा फर्किने लगभग निश्चित भएको छ ।

देशका विभिन्न क्षेत्रमा राजनीतिक दाैडधुप बढाएकी भण्डारी १९ गते काठमाडाैंबाट हेटाैडा जान लागेकी छन् । हेटाैडामा २० गते कार्यक्रम रहेको र बागमतीका नेता कार्यकर्तालाई सम्बोधन गर्ने तयारी गरिएको छ ।

भण्डारी बागमतीबाटै मधेस प्रदेशतर्फ जाने बुझिएको छ । ‘पूर्वराष्ट्रपति भण्डारी अब एमालेको नेतृत्व गर्ने गरि अघि बढ्नु भएको छ । गण्डकी, कोशी र लुम्बिनीमा गएर नेता कार्यकर्ताको मनोभावना बुझ्ने काम भइसकेको छ । बागमतीमा यहि १९ गते जाने कार्यक्रम छ । त्यसपछि त्यतैबाट मधेश पनि झर्ने भन्नेछ । अब एमालेको नेतृत्व गर्नबाट कसैले रोक्न सक्दैन् । उहाँ अघि बढिसक्नु भयो ।’ पूर्वराष्ट्रपति भण्डारी निकट स्रोतले भन्यो ।

एमालेमा केपी ओलीको लिगेसी भण्डारीले नै बोक्ने गरि अघि बढेको स्रोतको दाबी छ । उसोतः भण्डारीको सक्रिय राजनीति पनि ओलीसँगको सहमतिमै हुने र बाहिर हल्ला भएजस्तो कुनै विवाद नहुने स्रोतको दाबी छ ।