ट्रम्पलाई इरानको ठाडो चुनौति, अमेरिकाले अब के गर्छ ?

Breaking News

- न्यूज नेपाल

काठमाडाैं । मध्यपूर्वको तनाव थप बढ्ने देखिएको छ । इरान–इजरायल युद्ध थप उग्र बन्दै गएपछि अवस्था खराब हुने संकेत देखिएको हो ।

यहाँ नयाँ समस्या खडा गरिदिएको छ, इरानी सन्देशले । शक्ति राष्ट्र अमेरिकाका राष्ट्रपति डोनाल्ड ट्रम्पले इरानलाई तत्काल युद्ध रोक्न धम्की दिएका थिए । तर, इरानका नेताले डोनाल्ड ट्रम्पलाई चुनौतिपूर्ण सन्देश दिँदै इरानले युद्ध नरोक्ने प्रष्ट बताएका छन् ।

ट्रम्पलाई उल्टै धम्की १

इरानका सर्वोच्च नेता अयातोल्ला अली खामेनीले बुधबार एक महत्वपूर्ण सन्देश दिएपछि विश्वयुद्धको औपचारिकता सम्भावनाका विश्लेषण बढेका हुन् । इजरायलले अमेरिकी आडमा ६ दिनदेखि जारी राखेको आक्रमणबीच उनले कडा सन्देश दिएका हुन् । सम्बोधनमा उनले अमेरिका र इसरायललाई तीनवटा मुख्य सन्देश दिएका छन्।

उनले सम्बोधनका क्रममा इरान र अमेरिकाबीच अप्रत्यक्ष रुपमा भइरहेको आणविक वार्ताका क्रममा इजरायलले हमला शुरू गरेको बताए । तर त्यस अवधिमा इरानले कुनै पनि सैन्य वा कठोर प्रतिक्रिया नदिएको उनले खुलाए ।

दोस्रो सन्देशमा खामेनीले अमेरिकालाई चेतावनी दिँदै चेतावनी इरानले आत्मसमर्पण नगर्ने बताए । अमेरिकी सैन्य हस्तक्षेपले अपूरणीय क्षति पु¥याउने पनि उनले चेतावनी दिए ।

तेस्रो सन्देशमा उनले अमेरिका आफैं युद्धमा संलग्न हुनु इजरायलको कमजोरीको संकेतका रूपमा व्याख्या गरेका छन् । खामेनीले इजरायली आक्रमणबाट पीडित इरानी नागरिकहरूलाई ऐक्यबद्धताको सन्देश पनि दिएका छन्।