सरकारी पक्षले प्रमाण पेश गर्न नसक्दा आलमले सफाई पाएको खुलासा (फैसलाको पूर्णपाठ)

काठमाडौं । कांग्रेस नेता तथा पूर्वमन्त्री आफताव आलमलाई सफाई दिएको भन्दै विवादमा पारिएका न्यायाधीश डा. खुशीराम तारु र अर्जुन महर्जनले सरकारी वकिलले पर्याप्त प्रमाण देखाउन नसकेपछि आलमलाई सफाई दिएको खुलेको छ ।

उच्च अदालत वीरगञ्जले आलमलाई सफाई दिदा जिल्ला अदालतले गरेको फैसला उल्टी हुनेगरि गरेको आदेशको पूर्णपाठ सार्वजनिक भएको छ ।

पूर्णपाठमा बम विस्फोट भएको प्रमाणको अभावमा घटना भएको पुष्टि नभएको, शव जलाइएको पुष्टि नभएको, साक्षीले फेरेको बयान आदिलाई आधार मानिएको छ । मारिएका व्यक्तिको वारदात (इँटाभट्टा)मा मृत्यु भएको पुष्टि हुन नसकेकाले प्रतिवादीले सफाइ पाउने फैसलाको पूर्णपाठमा उल्लेख छ ।

आलममाथि पिन्टु भनिले त्रिलोकप्रताप सिंह र ओसी अख्तरलाई विस्फोटमा घाइते भएपछि जिउदै इट्टाभट्टामा लगेर जलाएको आरोप लागेको थियो । दुईजनालाई जिउदै इट्टाभट्टामा जलाएको आरोपमा उच्चका न्यायाधीशद्वय थारु र महर्जनले सबुत प्रमाण वादी (सरकारी वकिलको कार्यालय)ले पेश गर्न नसकेको, विधि विज्ञान प्रयोगशालामा भएको परिक्षण प्रतिवेदनबाट समेत पुष्टी हुने आधारहरु नदेखिएकाले दोषी करार गर्न नमिल्ने भन्दै सफाई दिएको छ । तर, सार्वजनिक रुपमा न्यायाधीशद्वयमाथि अनेक प्रश्न उठाउदै न्याय परिषद्मा उजुरी परेपछि अहिले अनुसन्धान चलिरहेको छ ।

गत जेठ १४ गते न्यायाधीशद्वय खुसीप्रसाद थारु र अर्जुन महर्जनको इजलासले रौतहट जिल्ला अदालतको फैसला उल्ट्याउँदै सफाइ दिएको थियो।

‘पर्याप्त प्रमाण, तथ्य र कानूनी प्रावधानबाहेक कसैलाई पनि दोषी करार गर्न सकिने स्थिति हुन्न । न्याय सम्पादनमा कोहिमाथि धेरै प्रश्न उठे भन्दैमा केहि गर्न सकिन्न । आधार कारण र सबुत नभए कोहिपनि दोषी ठहर गर्न सक्ने अवस्थ रहन्न ।’ एक पूर्वन्यायाधीशले भने ।

फैसलाको पूर्णपाठः

Comments