ताजा समाचार

भोटेकोशीमा असार २४ काे भन्दा ठूलाे बाढी, तीन जिल्ला हाइ अलर्टमा

breaking news
- न्युज नेपाल
       

काठमाडौं । भोटेकोशीमा बुधबार बिहान २ः१४ बजेबाट गत असार २४ गतेकाे भन्दा ठूलाे बाढी आएको छ।

बाढीले तटीय क्षेत्रमा कटान र केही टहराहरूमा क्षति पुर्‍याएको जिल्ला प्रहरी कार्यालय रसुवाले जानकारी दिएको छ। प्रहरीका अनुसार भोटेकोशीको जलसतह यसअघि असार २४ को भन्दा ठूलो छ। क्षतिको विवरण पनि बुझ्ने काम भइरहेको छ ।

रसुवाका सहायक प्रमुख जिल्ला अधिकारी द्रुव प्रसाद अधिकारीले सुरक्षा निकायलाई अलर्टमा राखिएको जानकारी दिएका छन्। उनका अनुसार चीनतर्फठूलो पानी पर्न सक्ने सम्भावना रहेकाले सतर्क रहन भनेर सोमबार सूचना प्राप्त भएको थियो।

त्यही अनुसार सबै निकायमा सूचना प्रवाह भएको थियो। सोही अनुसार सुरक्षा निकाय र सरोकारवाला निकायहरूलाई सतर्क रहन भनिएको उनले बताए।

भोटेकोशीमा बाढी आएपछि रसुवासहित तीन जिल्लाका सुरक्षा निकाय हाइ अलर्टमा छन्। जसमा रसुवासहित नुवाकोट र धादिङ पर्दछन् ।

Comments

प्रकाशित मिति : 2025-07-30

अरु समाचार

© NewsNepal 2018 - All Right Reserved.
newsnepal.com 2017.hlon.org