ताजा समाचार

पूर्वराष्ट्रपति भण्डारीद्वारा कक्षा १२ उत्तीर्ण विद्यार्थीलाई बधाई ज्ञापन

breaking news
- न्यूज नेपाल
       

काठमाडौं । पूर्वराष्ट्रपति विद्यादेवी भण्डारीले हालै सार्वजनिक भएको कक्षा १२ को परीक्षाफलमा उतीर्ण भएका सबै विद्यार्थीलाई बधाई तथा उज्ज्वल भविष्यको शुभकामना दिनुभएको छ।

एक सन्देशमार्फत उहाँले विद्यार्थीसामु आएको यो सफलताको श्रेय उनीहरूको परिश्रम, लगनशीलता र आत्मविश्वासलाई दिँदै भविष्यमा अझ उत्कृष्ट अवसरहरूको ढोका खोल्ने विश्वास व्यक्त गर्नुभएको छ।

पूर्वराष्ट्रपतिले परीक्षामा अपेक्षित नतिजा हासिल गर्न नसकेका विद्यार्थीहरूलाई पनि सान्त्वना दिँदै असफलतालाई अन्त्य नभई नयाँ सुरुवातको अवसरका रूपमा लिन आह्वान गर्नुभयो। “अटुट आत्मबल, निरन्तर अभ्यास र अथक मेहनतले भविष्यमा सफल परिणाम हासिल गर्न सकिन्छ,” उहाँले भन्नुभयो।

शिक्षा जीवनको मेरुदण्ड भएको उल्लेख गर्दै भण्डारीले विद्यार्थीहरूले ज्ञान, सीप र अनुशासनमार्फत आफ्नो जीवन उज्यालो बनाउने विश्वास पनि व्यक्त गर्नुभयो।

Comments

प्रकाशित मिति : 2025-08-05

अरु समाचार

© NewsNepal 2018 - All Right Reserved.
newsnepal.com 2017.hlon.org