१ करोड लागतमा एमाले संखुवासभाले भवन निर्माण गर्ने

breaking news

- न्यूज नेपाल

काठमाडाैं । संखुवासभामा नेकपा एमालेले करिव १ करोड रुपैयाँमा पार्टी कार्यालय निर्माण गर्ने भएको छ ।

खाँदबारी चोकमा रहेको भवन जीर्ण बनेपछि संखुवासभामा एमालेले नयाँ भवन निर्माण गर्ने संखुवासभा अध्यक्ष खड्गबहादुर राईले जानकारी दिएका छन् ।

पार्टी कमिटीको छैठाैं पूर्ण बैठकले भवन निर्माण गर्ने गरेको र कार्ययोजना २०८३ को असारभित्र १ करोड लागतमा भवन निर्माण सम्पन्न गर्ने र यसका लागि पार्टी सदस्यबाट सहयोग लिने र देउसी भैलो समेत खेल्ने तयारी गरिएको प्रचार बिभाग प्रमुख नविन दाहालले बताए ।

यस्तै एमाले प्रचार विभाग प्रमुख राजेन्द्र गाैतमले राष्ट्रिय गाैरवको पद सम्मानित रुपमा राष्ट्रपतिको पद सम्हालिसकेको मान्छे पार्टी सदस्यतामा सिमित हुन नहुनेमा जोड दिए ।

पूर्वराष्ट्रपति विद्यादेवी भण्डारी एमालेको सक्रिय राजनीतिमा आउने उद्घोष गर्दै कोशी पुगेर सदस्यता नविकरण भइसकेको र कसैले खोस्न नसक्ने भनिरहेकी छन् । यस्तोमा एमालेभित्रको आन्तरिक विवाद समेत चर्किएको बताइन्छ ।

एमालेभित्र पूर्वराष्ट्रपति विद्यादेवी भण्डारीबारेको विवादकाबीच यही भदौ २० गतेबाट सुरु हुने बिधान महाधिवेशनमा जिल्लाबाट १४ जना प्रतिनिधि सहभागी हुनेछन् । बैठकमा केन्द्रीय सदस्य तुलसीप्रसाद न्यौपानेले अन्तरपार्टी निर्देशनको महत्व र दशौं राष्ट्रिय महाधिवेशनको उपलब्धीबारे जानकारी दिएका थिए । कोशी प्रदेश कमिटी अध्यक्ष घनश्याम खतिवडा, जिल्ला अध्यक्ष राईसमेतले धारणा राखेका थिए ।