विद्याका काँधमा ५१ किलोकाे माला, वीरगञ्जमा भव्य स्वागत !

breaking news

- न्यूज नेपाल

काठमाडौं । नेकपा एमालेको सक्रिय राजनीतिमा फर्किएकी पूर्वराष्ट्रपति तथा एमाले पूर्वउपाध्यक्ष विद्यादेवि भण्डारीलाई पार्टीका नेता तथा कार्यकर्ताहरुले वीरगञ्जमा भव्य स्वागत गरेका छन् ।

वीरगञ्ज उद्योग वाणिज्य संघले आयोजना गरेको वृहत महिला सम्मेलनमा सहभागी हुन वीरगञ्ज पुगेकी भण्डारीलाई विमानस्थलमै ५१ किलोको मालाले स्वागत गरिएको थियो । त्यतिमात्रै हैन् अाज बिहान विरगञ्ज पुगेकी भण्डारीलाइ बाक्लाे संख्यमा नेता, कार्यकर्ता, अाम सर्वसाधारण, स्थानीय वुद्धिजीविहरूकाे बाक्लाे उपस्थितिका बिच भव्य स्वगत गरिएकाे थयाे ।

त्यस्तै, एमाले संस्थापन पक्षले चुनौतीको रुपमा लिएर नेता तथा कार्यकर्ताहरुलाई कार्यक्रममा सहभागी नहुन निर्देशन दिए पनि सयौं कार्यकर्ताहरू विमानस्थलमै पुगेर भण्डारीलाई स्वागत गरेका थिए ।

पार्टीका निर्देशनलाई अवज्ञा गर्दै भण्डारीलाई स्वागत गर्ने नेताहरुमा स्थायी कमिटी सदस्य मुकुन्द न्यौपाने, पोलिटब्युरो सदस्य पुरुषोत्तम पौडेल, सचिवालय सदस्य जय प्रकाश थारु, केन्द्रीय सदस्यहरू केदार न्यौपाने, अरविन्द सिंह, मधेश प्रदेश सचिव मनोज पौडेल, वीरगञ्ज महानगर अध्यक्ष नवराज शर्मा, जितपुर सिमरा उपमहानगरपालिकाका उपमेयर भोलाप्रसाद अधिकारीलगायत विमानस्थलमै पुगेर स्वागत गरेका थिए ।