मन्त्री बन्न ठिक्क परेकी मिश्रलाई अख्तियारले नभई स्वार्थ समूहले रोकेको खुलासा !

काठमाडाैं । स्वास्थ्यमनमन्त्रीका लागि सिफारिस भएर अन्तिममा रोकिएकी डा. संगिता मिश्रमाथि ठूलो मिडिया ट्रायलका साथै दलाली भएको खुलासा भएको छ ।

अख्तियारलाई देखाएर स्वार्थ समूहले मिश्रको मन्त्री बन्ने बाटो रोकेको अख्तियार स्रोतले नै पुष्टी गरेको छ ।

‘कोविरुद्ध अनुसन्धान हुँदैछ र कस्तो अनुसन्धान हुँदैछ भन्ने कुरा अत्यन्तै गोप्य रहन्छ । कुनै व्यक्तिमाथिको अनुसन्धान हामीले सरकारलाई यो वा त्यो भनेर जानकारी गराउने कुरा पनि होइन् । संवैधानिक अंगले स्वतन्त्र र निष्पक्ष अनुसन्धान गर्ने र अभियोजनको बेला सबै कुरा सार्वजनिक हुने हो । तर, मिश्रको हकमा यसको विपरित मिडिया ट्रायलदेखि स्वार्थ समूहले मुद्दा चल्ने अन्तिम चरणमा पुगेको दाबी गरिदिए । ‍यो सर्वथा गलत छ ।’ न्यूज नेपालसंग अख्तियारका एक उच्च अधिकारीले भने ।

‘मिश्रविरुद्ध अुसन्धान चलेको सत्य हो । तर, दुई वटा विषयमा चलिरहेका अनुसन्धान बलियो प्रमाण र आधारसहितका छैनन् । यहि विषयका कारण मन्त्री बन्ने बाटो रोक्न अख्तियारले भूमिका खेलेको भनेपछि यति भनिदिए । बाँकी कुरा त खुल्दै जाला ।’ आक्रोशित मुद्राका ती अधिकारीले भने ।

मिश्र स्वास्थ्यमन्त्रीका लागि नियुक्त गर्न भन्दै राष्ट्रपति रामचन्द्र पाैडेलसमक्ष सिफारिस भएपनि अन्तिममा स्वार्थ समूह रोक्न सफल भएको हो ।

उच्च स्रोतका अनुसार नेपालको जेनजी आन्दोलनमा भारतको ठूलो हात रहेपनि सरकार निर्माणदेखि अन्य विषयमा अमेरिका र पश्चिमा हाबी हुन पुगेका छन् । यस्तो स्थितिमा मिश्र पश्चिमा र अमेरिकाको रोजाईमा नपरेपछि मन्त्री बन्नबाट बञ्चित हुन पुगेको स्रोतको दाबी छ । तर, मिश्रले आफ्नो देशलाई नै केन्द्रमा राखेर काम गर्ने चाहना राख्दा पहिले पनि कांग्रेसका महामन्त्री गगन थापा, तत्कालीन स्वास्थ्यमन्त्री प्रदीप पाैडेल र मिश्रलाई मिचेर सचिव बन्न सफल भएका डा. विकास देवकोटा लगायतले विदेशी शक्तिको आडमा वितण्डा मच्चाएको बताइन्छ ।

Comments