जेनजीप्रति समर्पित प्रधानमन्त्री कार्कीको दशैं टीका सुतकले रोकिएको खुलासा

breaking news

- न्यूज नेपाल

काठमाडाैं । अन्तरिम प्रधानमन्त्री सुशीला कार्कीले दशैंको टीका नलगाउने निर्णय किन गरिन ? के जेनजी आन्दोलनमा भएको युवाहरुको मृत्युको शोकमा हो ? तथ्यले अर्कै मोड लिएको छ ।

प्रधानमन्त्री कार्कीको परिवारमा (श्रीमान दुर्गा सुवेदी) मा नजिकको नातेदारमा सुतक (सुत्केरो) परेकाले दशैंको टीका लगाउन नमिल्ने स्थिति सिर्जना भएपछि उनले चलाखीपुर्वक जेनजी युवाहरुप्रति समर्पित गरेको दाबी गरेकी हुन् ।

प्रधानमन्त्रीको सचिवालयले जेनजी आन्दोलनको क्रममा ज्यान गुमाएका युवाहरुको शोकमा टिका जरा नलगाउने निर्णय गरेको दाबी गरेपनि सुतकका कारण टीका रोकिएको स्रोतले जनाएको छ ।

सम्बन्धित समाचार शीर्षकः प्रधानमन्त्री सुशीला कार्कीले दशैंको टीका नलगाउने

न्यूज नेपालको सम्पर्कमा आएका सुवेदी परिवारको नजिकका आफन्तले भने, ‘अहिले हाम्रो दशैंको टीका हुन्न । परिवारमा सुतक पर्‍यो । सुतकमा टीका लगाउने कुरा भएन् । अन्तरिम प्रधानमन्त्रीलाई पनि यसले ठूलो लाभ दियो । हुनेलाई औशीको रातमा जुनकिरीले नै उज्यालो दिन्छ भन्छन् नी, त्यस्तै भयो । उहाँ (सुशीला कार्की) भाग्यमानी पनि त हो नि ।’

संवैधानिक सर्वोच्चता र सरकार निर्माणमा संविधानको धारा ७६ बाहिरको कुरा लागू नहुने भन्दै वकालत गर्ने गरेकी कार्की आफै आवश्यकताको सिद्धान्त (Doctrine of Necessity) को बिल्ला भिराएर प्रधानमन्त्री बनेदेखि नै उनीमाथि नैतिक प्रश्नले घेर्न थालिएको छ ।