सञ्चार मन्त्री खरेललाई १ लाख नगद सहित सम्मान वितरण !

breaking news

- न्युज नेपाल

काठमाडौं । सञ्चार तथा सूचना प्रविधि मन्त्री जगदीश खरेललाई नगद रु. १ लाख राशीको पुरस्कार सहित सम्मान गरिएको छ ।

मन्त्री खरेललाई रेडियो नेपालका प्रथम गायक ख्यातिप्राप्त रंगकर्मी अभिनेता तथा गीतकार स्वर्गीय हरिप्रसाद रिमालको १०१ औँ जन्मजयन्तीको अवसरमा हरिप्रसाद कल्याणी रिमाल नाट्य संगीत प्रतिष्ठानले सञ्चार सेवा सम्मानबाट पुरस्कृत गरिएको हो ।

मन्त्री खरेललाई प्रतिष्ठानले सम्मान गर्ने निर्णय मन्त्री हुन अगाडि नै गरेको थियो। असोजको २ गते गरिने भनिएको कार्यक्रम जेनजी आन्दोलनका कारण पछाडि सरेको थियो ।

प्रतिष्ठानले गायिका मिरा राणा र गायक धिरज राईलाई पनि जनही एक लाख र सम्मान पत्रले सम्मान गरेको छ।

त्यस्तै, उक्त कार्यक्रमलाई सम्बोधन गर्दै मन्त्री खरेलले आफ्नो कार्यकालमा कुनै खराब काम नगर्ने जनाएका छन् । उनले भने,, ‘म यो मञ्चबाट प्रतिबद्धता गर्न चाहन्छु कि, मैले जानेर बुझेर कुनै काम गर्ने छैन। राम्रो काम के कति गर्न सकिएला पाँच महिनापछि थाहा होला तर खराब काम चाहिँ मबाट हुने छैन,’।

‘तेरो कारणले खराब काम भयो भन्ने बनाउने छैन। मलाई नागरिक सरकारले मन्त्री बनाएको हो। तपाईंहरूले डोर्‍याएको बाटो हिँड्ने छु,’ मन्त्री उनले थपे।

त्यस्तै, सरकारको जेनजी आन्दोलनका माग पुरा गर्न र शान्तीपूर्णरुपमा निर्वाचन सम्पन्न गर्न बनेको बताउँदै बाँकी पाँच महिना भित्र यी सबै काम गरिसक्ने प्रतिबद्धता समेत जनाए ।