सीडीओ सरुवामा थिति बसाल्दै गृहसचिव दंगाल र महाशाखा प्रमुख पराजुली

काठमाडाैं  । प्रमुख जिल्ला अधिकारी सरुवामा पहिलो पटक वरिष्ठता र अनुभवलाई आधार बनाएर आर्थिक चलखेललाई पूर्णतः निषेध गरिएको पाइएको छ ।  गृहसचिव रामेश्वर दंगाल र प्रशासन महाशाखा प्रमुख कालीप्रसाद पराजुलीले योग्य र सक्षमलाई प्रमुख जिल्ला अधिकारीमा पदस्थापन गर्दै सीडीओ सरुवामा हुने आर्थिक चलखेल रोकेका हुन् ।

पूर्वगृहमन्त्री रमेश लेखक र तत्कालीन गृहसचिव गोकर्णमणी दवाडीले ठूलो रकमको चलखेल गर्दै सीडीओ सरुवामा मच्चाएको वितण्डा दंगाल र पराजुलीले सच्याएको कर्मचारी वृत्तमा चर्चा चल्न थालेको छ ।

पर्सा, रुपन्देही, बारा र ललितपुरको सीडीओमा अनुभव नै नभएकाहरुलाई पदस्थापन गरिएको थियो भने अन्य जिल्लामा समेत यसरी नै अनुभव नै नभएका कर्मचारीहरुलाई सीडीओ बनाइएको थियो । तर, अहिले भने यस्तो विषयलाई रोक्दै भक्तपुरमा समेत काभ्रेका अनुभवी सीडीओ उमेश ढकाललाई ल्याइएको छ । उपत्यकाको सुरक्षा व्यवस्था समेत चुस्त राख्नुपर्ने भएकाले काठमाडाैं उपत्यकालाई विशेष ढंगले हेरिएको छ ।

सीडीओ सरुवा चलखेलवारेको समाचार हेर्नुहोस्ः  सीडीओको खेलोफड्कोमा गृहमन्त्रीको एकलाैटी, सीडीओ अनुभव लिने पद बन्दा सरकारमा तरङ्ग !

उसोतः ललितपुरको सीडीओमा पठाइएका प्रेम भट्टराई अनुभवी र काबिल भएपनि आर्थिक रुपमा बद्नामित पात्र हुन् । रुपन्देहीको माधव पोखरेल, सुनसरीमा बासु घिमिरे, मोरङमा युवराज कट्टेल, पर्सामा भोला दाहाल, मकवानपुरमा बसन्त अधिकारी जस्ता अब्बल कर्मचारीलाई सीडीओमा पठाइएको विषयले नै निर्णय विवादास्पद नभएको प्रष्ट पारेको छ ।

गृहसचिव दंगाल अब्बल र काबिल कर्मचारीको रुपमा चिनिन्छन् । सरुवा बढुवामा दंगालले अनुभव, वरिष्ठता र कार्यक्षमतालाई नै केन्द्रमा राखेर काम गर्दै आएका छन् । आर्थिक चलखेललाई पूर्णतः निषेध गर्दा नतिजा समेत देखिने विश्वास गरिएको छ । यस्तै, प्रहरीको डीआइजी बढुवा सिफारिसमा भने प्रश्न उठेको छ । डीआइजी बढुवामा गृहमन्त्री ओमप्रकाश अर्याल हाबी भएको आरोप लागिरहेको छ ।

को कहाँ हेर्नुहोस्ः

Comments