एमाले केन्द्रीय सदस्यमा सांसद लिङ्थेपद्वारा उम्मेदवारी घोषणा !

breaking news

- न्यूज नेपाल

काठमाडौं । नेकपा एमालेको ११ औ महाधिवेशनमा एमाले कोशी प्रदेश सभा सदस्य तथा संसदीय दलका प्रमुख सचेतक विदुरकुमार लिङ्थेपले केन्द्रीय सदस्यमा उम्मेदवारी घोषणा गरेका छन् ।

लिङ्थेप संखुवासभा जिल्लाकाे प्रदेश क्षेत्र नम्बर २ बाट जननिर्वाचित प्रदेश सभा सांसद हुन् । उनले अनेरास्ववियुबाट राजनीतिक यात्रा सुरू गर्दै हाल पार्टीको राजनीतिमा सक्रिय छन्। प्रदेश सांसद हुनुअघि उनी २०७४ को स्थानीय तहको निर्वाचनमा मादी नगरपालिकाको मेयरमा निर्वाचित भएका थिए ।

आफू केन्द्रीय सदस्यको दाबेदार रहेको बताउँदै उनले पार्टीको महाधिवेशनका लागि प्रतिनिधि छनौट भएका सबैलाई समाजिक सञ्जालमार्फत बधाई र शुभकामना दिएका छन् । उनले लेखेका छन्,’नेकपा (एमाले) ११ औ महाधिवेशनमा प्रतिनिधि छनौट हुनुभएकोमा सबै प्रतिनिधि कमरेडहरुमा हार्दिक बधाई र शुभकामना ब्यक्त गर्दछु । काठमाडौ आउनुहुने सबैजनालाई यात्रा सफलताको कामना छ ।’

उनले महाधिवेशनमा आफू केन्द्रीय सदस्यको इच्छुक भएको र आफू त्यसको तयारीका लागि काठमाडौँ आइसकेको बताएका छन् । लिङ्थेपलाई संखुवासभा जिल्लाका वैचारीक रुपमा परिपक्व, कुसल संगठक तथा कार्यकर्तामैत्री नेताका रूपमा चिनिने गरिन्छ ।