ताजा समाचार

संसद पुनर्स्थापनाको रिट लिएर कांग्रेस पनि सर्वोच्चमा

breaking news
- न्यूज नेपाल
       

काठमाडाैं । कांग्रेसले पनि प्रतिनिधिसभा विघटनविरुद्ध सर्वोच्च अदालतमा रिट निवेदन पेस गरेको छ ।

कांग्रेस सभापति शेरबहादुर देउवाले एमाले अध्यक्ष केपी ओलीसंग भेटेपछि कांग्रेस पनि सर्वोच्चमा संसद पुनर्स्थापनाको रिट लिएर सर्वोच्च गएको हो ।

प्रमुख सचेतक श्याम घिमिरेसहित ८ जनाका तर्फबाट रिट निवेदन पेश गरिएको हो । यसअघि एमालेले प्रतिनिधिसभा विघटनविरुद्ध रिट दर्ता गरिसकेको छ । दुवै दल अलगअलग सर्वोच्च पुगेका हुन् ।

कांग्रेसबाट पेश भएको रिट अध्ययनकै क्रममा रहेको सर्वोच्च अदालतका प्रवक्ता अर्जुन कोइरालाले बताए । उनका अनुसार निवेदन संवैधानिक इजलासमा दर्ताका लागि पेस भएको र अध्ययनपछि सोमबार दर्ताबारे निर्णय हुनेछ । यो सँगै सर्वोच्च अदालतमा प्रतिनिधिसभा विघटनसम्बन्धी दुई वटा राजनीतिक दल अनि सार्वजनिक सरोकारअन्तर्गत १७ थान रिट दर्ता भएर विचाराधिन रहेका छन् ।

Comments

प्रकाशित मिति : 2025-12-07

अरु समाचार

© NewsNepal 2018 - All Right Reserved.
newsnepal.com 2017.hlon.org