प्रधानमन्त्री र पूर्वराष्ट्रपति भण्डारीबीच ओलीलाई गिरफ्तार गर्ने सल्लाह भएको महेश बस्नेतको दाबी

breaking news

- न्यूज नेपाल

काठमाडौं । नेकपा एमालेका नेता महेश बस्नेतले प्रधानमन्त्री सुशीला कार्की र पूर्वराष्ट्रपति विद्यादेवी भण्डारीबीच एमाले अध्यक्ष केपी शर्मा ओलीलाई गिरफ्तार गर्ने विषयमा सल्लाह भएको दावी गरेका छन् ।

बस्नेतले सामाजिक सञ्जाल फेसबुकमा स्टाटस लेख्दै, ओलीलाई गिरफ्तार गर्ने विषयमा सल्लाह भएको दावी गरेका हुन् ।

उनले लेखेका छन्,

हिजोको पत्रकार सम्मेलनमा ईश्वर पोखरेलले पत्रकारहरूलाई भन्नुभयो,

“तपाईँहरूले एउटा कुरा सोध्नै भुल्नुभयो: किन हाम्रो अध्यक्ष आयोगमा बयान दिन जानुभएन? म भए जान्थे, उहाँ पनि जानैपर्छ।”

यसबीच अर्को षडयन्त्रको खेल पनि बाहिर आएको छ।

२ दिन अगाडि नै पुर्व राष्ट्रपति बिद्या भण्डारी र प्रधानमन्त्री सुसीला कार्कीबीच भएको भनिएको वार्तामा पनि केपी ओलीलाई गिरफ्तार गर्ने कुरा भएको रहस्य खुलेको छ।

हिजै GenZ समूहको नाममा गरिएको बार्ता र सम्झौताको नाटक,

हिमेश पन्तलगायतका अराजक सेलिब्रेटीहरूले फैलाएको गलत भ्रम,

“केपी ओली गिरफ्तार” भन्ने मिडिया ट्रायल

सबै कुरा एउटै दिशातिर संकेत गर्छन्।

उनीहरूको उद्देश्य हो:

महाधिवेशन भाड्ने, आतंक फैलाउने, सहभागिता घटाउने,

र अन्तिम चरणमा केपी ओलीको लोकप्रियता कमजोर पार्ने। महाधिवेशनमा चुनाव भएमा सके हराउने नसके भोट घटाउने ।

तर उनीहरूले बिर्सिन नहुने कुरा के हो भने

एमाले सबै प्रकारका षड्यन्त्र चिर्न सक्षम छ।

पार्टी आफ्नो अडानमा अडिन्छ,

अध्यक्षलाई दबाब दिने वा गिरफ्तार गर्ने कुनै पनि चाल कदापि सफल हुँदैन।