ताजा समाचार

काठमाडौं महानगर प्रहरी बलको प्रमुखमा विष्णु जोशी

breaking news
- न्यूज नेपाल
       

काठमाडौं । काठमाडौं महानगरपालिका महानगर प्रहरी बलका प्रमुखमा एसपी विष्णुप्रसाद जोशीले पदभार ग्रहण गरेका छन्। यसअघिका प्रहरी प्रमुख एसएसपी राजुनाथ पाण्डेले राजीनामा दिएपछि वरिष्ठताको आधारमा जोशीले नगर प्रहरीको कमान्ड सम्हालेका हुन्।

जोशीले यसअघि काठमाडौं महानगरको विपद् व्यवस्थापन प्रमुख र मध्य क्षेत्र कमान्ड प्रमुखको जिम्मेवारी सम्हालिसकेका छन्। प्रमुख प्रशासकीय अधिकृत सरोज गुरागाँईले पाण्डेलाई निलम्बन गर्दा पनि जोशीले निमित्त प्रमुखका रूपमा काम गरेका थिए।

राजनीतिमा सक्रिय हुने निर्णयसहित महानगरका मेयर बालेन्द्र शाह (बालेन)सँगै पाण्डेले पदबाट राजीनामा दिएका थिए। उनको राजीनामा स्वीकृत भएसँगै जोशीले औपचारिक रूपमा महानगर प्रहरी बल प्रमुखको जिम्मेवारी सम्हालेका हुन्।

पदभार ग्रहणपछि जोशीले नगर प्रहरीका सिनियर अधिकृतहरूसँग छलफल गर्दै आवश्यक निर्देशन दिएका छन्।

Comments

प्रकाशित मिति : 2026-01-19

अरु समाचार

© NewsNepal 2018 - All Right Reserved.
newsnepal.com 2017.hlon.org