ताजा समाचार

सर्वोच्चमा पेशी सार्वजनिक ढिलो, सपना प्रधान मल्ल र मनोज शर्माको इजलास तोकिएन

breaking news
- न्यूज नेपाल
       

काठमाडौं । सर्वोच्च अदालत ले शुक्रबारका लागि पेशी सूची ढिलो गरी सार्वजनिक गरेको छ। सार्वजनिक गरिएको सूचीमा कायममुकायम प्रधानन्यायाधीश सपना प्रधान मल्ल र प्रधानन्यायाधीशमा सिफारिस भएका मनोज शर्मा को इजलास भने तोकिएको छैन।

संवैधानिक परिषद्ले हालै शर्मा लाई प्रधानन्यायाधीशमा सिफारिस गरेपछि सर्वोच्चभित्रको गतिविधि र न्यायिक वृत्तमा चासो बढिरहेका बेला दुवै न्यायाधीशको इजलास नतोकिएको विषयलाई अर्थपूर्ण रूपमा हेरिएको छ।

सर्वोच्च प्रशासनले भने पेशी ढिलो सार्वजनिक हुनु वा इजलास नतोकिनुको कारणबारे औपचारिक धारणा सार्वजनिक गरेको छैन।

प्रधानन्यायाधीश सिफारिसको विषयलाई लिएर न्यायिक क्षेत्र, कानुन व्यवसायी र राजनीतिक वृत्तमा बहस जारी रहेका बेला आएको यो घटनाक्रमले थप चासो उत्पन्न गरेको छ।

Comments

प्रकाशित मिति : 2026-05-08

अरु समाचार

© NewsNepal 2018 - All Right Reserved.
newsnepal.com 2017.hlon.org