सर्वोच्च अदालतमा ‘गोलाप्रथा’ हटाउन खोजिएको भन्दै बारको शंका

breaking news

- न्यूज नेपाल

काठमाडाैं । सर्वोच्च अदालतमा मुद्दा बाँडफाँट गर्ने वर्तमान ‘गोलाप्रथा’ प्रणाली हटाउने तयारीबारे सूचना पाएपछि नेपाल बार एसोसिएसनले शंका व्यक्त गरेको छ।

बारका अनुसार प्रधानन्यायाधीश डा. मनोजकुमार शर्माले गोलाप्रथा हटाएर आफैं इजलास गठन गरी मुद्दा तोक्ने तयारी भइरहेको भन्ने सूचना बाहिर आएपछि न्यायिक निष्पक्षतामाथि प्रश्न उठ्ने भन्दै चिन्ता व्यक्त गरिएको छ।

बारले यस्तो व्यवस्था परिवर्तन भएमा मुद्दा व्यवस्थापन र सुनुवाइ प्रक्रियामा पारदर्शिता घट्न सक्ने र न्यायालयको स्वतन्त्रतामाथि असर पर्न सक्ने भन्दै ध्यानाकर्षण गराएको छ।

यसबारे सर्वोच्च अदालतको आधिकारिक धारणा भने सार्वजनिक भएको छैन। अहिले विषयले कानुनी वृत्तमा बहस सुरु गराएको छ।

प्रधानन्यायाधीश शर्माले केहिदिन पहिले सरकारसंग सहकार्य गर्ने भन्दै अभिव्यक्ति दिएपछि अदालत कार्यकारीको छायाँ बन्न खोजेको भन्दै धेरैले आलोचना गरिरहेका छन्। यहि स्थितिमा गोलाप्रथा प्रणाली हटाउने तयारीले थप शंका उत्पन्न गराएको हो।