सपनामाथि मनोजको प्रतिशोध बारले रोकेपछि….

Breaking News

- न्यूज नेपाल

काठमाडाैं । न्याय परिषद्को सदस्यबाट समेत प्रतिशोध साँध्न प्रधानन्यायाधीश डा. मनोजकुमार शर्माले चालेको कदममा ब्रेक लागेको छ।

न्याय परिषद्मा प्रधानन्यायाधीश, कानूनमन्त्री, सर्वोच्च अदालतको वरिष्ठतम् न्यायाधीश र अन्य दुई सदस्य रहने प्रावधान छ।

सर्वोच्च अदालतमा प्रधानन्यायाधीशमा डा. शर्माको आगमन भएपछि वरिष्ठतम् न्यायाधीश सपना प्रधान मल्ललाई परिषद् सदस्यबाट हटाइएको थियो। तर, नेपाल बारले सर्वोच्चको कदमप्रति आपत्ति जनाउदै कडा आन्दोलनको चेतावनी दिएपछि अन्ततः शर्माले मल्लको नाम समावेश गर्न लगाएको स्रोतको दाबी छ।

न्याय परिषद्ले न्यायाधीश नियुक्तिदेखि सरुवा बढुवासहित कारबाही समेत गर्ने भएकाले शक्तिशाली मानिन्छ। सर्वोच्चको प्रधानन्यायाधीश नियुक्तिमा देखिएको माथापच्चीका कारण पनि शर्माले प्रतिशोध साँध्ने काममा नजर लगाउन थालेको बताइन्छ।

शर्मा प्रधानन्यायाधीश बनेर आएपछि नै मल्लले २० दिनको बिदा लिएर बसेकी छन्। उनले आफू निकटस्थसंग विभिन्न विषयमा परामर्श गरिरहेको र आगामी कदमबारे छलफल गरिरहेको बताइन्छ। मल्ल काबिल र क्षमतावान अन्तराष्ट्रिय छवी भएको न्यायाधीशमा पर्छिन भने उनका धेरै नजिरहरु ऐतिहासिक समेत छन्।