ताजा समाचार

कर्णाली नदीमा २० यात्रु क्षमताको फोर्स गाडी खस्यो, उद्धार कार्य जारी

Breaking News
-
       

दैलेख । सुर्खेतबाट कालिकोटतर्फ जाँदै गरेको कर्णाली प्रदेश ०२–००१ ख। १०५५ नम्बरको फोर्स गाडी दैलेखको चामुण्डाबिन्द्रासैनी नगरपालिका–७ स्थित साङ्गेतडा क्षेत्रमा कर्णाली राजमार्गबाट करिब चार सय मिटर तल कर्णाली नदीमा खसेको छ ।

जिल्ला प्रहरी कार्यालय दैलेखका प्रमुख प्रहरी नायब उपरीक्षक श्रवणकुमार विकका अनुसार दुर्घटनालगत्तै प्रहरी र स्थानीयवासी उद्धार कार्यमा खटिएका छन् ।

नदीबाट एक जना वृद्धको सकुशल उद्धार गरिएको भए पनि उहाँको परिचय खुल्न बाँकी रहेको प्रहरीले जनाएको छ । दुर्घटनाको समयमा गाडीमा कति जना सवार थिए भन्ने यकिन विवरण अझै प्राप्त हुन सकेको छैन।

यात्रुको सङ्ख्या बारेमा प्रहरीले खोजी गरिरहेको छ । स्थानीयले फोर्स गाडी दुर्घटना भएको खबर गरेका थिए । सोही अनुसार प्रहरी चौकी पाल्तडा र दैलेख बाट ३५ जना प्रहरी परिचालन गरी उद्धार कार्य गरिरहेको बताइएको छ ।

 

Comments

प्रकाशित मिति : 2026-07-02

अरु समाचार

© NewsNepal 2018 - All Right Reserved.
newsnepal.com 2017.hlon.org