केरुङ काउन्टीमा गएको बाढीपहिरोपछि ‘नेपाल-चीन’बीच उद्धारको काममा गहन सहकार्य: महावाणिज्यदूत निरौला

breaking news

ल्हासा । ल्हासास्थित नेपाली महावाणिज्यदूत लक्ष्मी प्रसाद निरौलाले सिचाङको शिगात्से शहरस्थित केरुङ काउन्टीमा गएको बाढीपहिरो प्रकोपप्रति चीन र नेपाल दुबैले निकै प्राथमिकताका साथ उद्धार सहकार्य गरिरहेको बताउनुभएको छ ।

सीजीटीएन नेपाली सेवासँग कुराकानी गर्दै निरौलाले चिनियाँ राष्ट्रपति सी चिनफिङले पनि जनतालाई प्राथमिकतामा राख्दै महत्त्वपूर्ण निर्देशन दिए बमोजिम बेपत्ताको खोजी, विभिन्न जोखिम र लुकेका खतराहरूको अनुसन्धान र सुधारलाई तीव्रत बनाइएको बताउनुभयो। उहाँले भन्नुभयो, ‘यति ठूलो विपत्तिको समयमा हामी सबैले हातेमालो गर्नुपर्छ।’

कैलाश मानसरोवरको तीर्थयात्राका लागि आएका नेपालीहरू अहिले केरुङमा गएको प्राकृतिक प्रकोपका कारण सिचाङमा रोकिएका छन्। महावाणिज्यदूत निरौलाले तीर्थयात्रीहरूलाई उद्धार गरेर नेपाल फर्काउनका लागि प्रयास भइरहको जानकारी दिनुभयो।

अगस्ट २६ तारिख बिहान लगभग साढे १० बजेतिर सिचाङ (तिब्बत) सिगात्से शहरको केरुङ काउन्टीको केरुङ बन्दरगाहमा नेपालतर्फ भीषण बाढी पहिरो जाँदा ठूलो मानवीय हताहती भएको छ भने भौतिक क्षति पनि निकै ठूलो भएको छ । सीजीटीएनसँगको कुराकानीमा महावाणिज्यदूत निरौलाले बाढीप्रकोपमा परी बेपत्ता तथा मृतकको खोजी तथा उद्धार कार्य भइरहेको बताउनुभयो।