लोकेन्द्र बहादुर चन्दको सुरक्षामा खटिएको गाडीले स्कुटरलाई ठक्कर दिइ भाग्यो (भिडियो)

समाचार

पूर्वप्रधानमन्त्री लोकेन्द्रबहादुर चन्दको सुुरक्षामा खटिएको सशस्त्र प्रहरीको भ्यानले स्कुटरलाई ठक्कर दिएर भागेको छ ।

घटनामापछि सामाजिक सञ्जालमा एक भिडियो सार्वजनिक भएको थियो । भिडियो सार्वजनिक भएपछि भिडियो निकै भाइरल बनेको छ ।

स्कुटर चालक को थिए भन्ने खुलेको छैन् तर घटनाको भिडियो सार्वजनिक भएपछि नेता चन्दले स्कुटर चालकलाई कुनै चोटपटक लागेको भए भेट्न जाने बताएका छन् ।

शुक्रबार साँझ बबरमहलमा चन्दको सुरक्षामा खटिएको सशस्त्र प्रहरीको पछुवा बा १ झ ९५२७ नम्बरको गाडीले स्कुटरलाई ठक्कर दिएको थियो । इमरजेन्सी लाइट बाल्दै दौडिएको सशस्त्रको भ्यानको पछाडिको भागले स्कुटलाई छोएको थियो ।

महानगरीय ट्राफिक महाशाखाले घटनाबारे चासो देखाएको छ तर, स्कुटरमा को थिए ? घाइते भए नभएको खुलेको छैन । चन्दले पनि यसबारे बोलेको छन् ।

फेसबुकमार्फत उनले भनेका छन्, ‘यसबारे म अनविज्ञ थिए तर, मेरो बारेमा नराम्रो कमेन्ट देख्दा दुखित छु । साथै स्कुटरमा सवार व्यक्ति को हुन् ? यदि कुनै चोटपटक लागेको भए म भेट्न जानेछु, जानकारी दिन अनुरोध गर्छु ।’