उपराष्ट्रपतिको आधिकारीक वेबसाइट राखियो गृहमन्त्रीको हातमा चुरोट भएको फोटो !

बागमती प्रदेश

काठमाडाैं । उपराष्ट्रपति नन्दबहादुर पुन (पासाङ)का पुराना तस्बिरमा गृहमनन्त्री रामबहादुर थापा ‘बादल\को हातमा चुरोट देखिएको छ ।

उपराष्ट्रपतिको कार्यालयको आधिकारीक वेबसाइट भीपिएन डट जिओभी डट एनपीमा गृहमन्त्री बादलको हातमा चुरोट भएको तस्बिर सार्वजनिक भएको हो ।

तत्कालीन माओवादीले थालेको जनयुद्धको क्रममा बादलले हातमा चुरोट लिएर मन्द मुस्कान छाडीरहेका देखिन्छन् । तर, उपराष्ट्रपति पासाङ भने जनमुक्ति सेनाको ड्रेसमा पोलिटब्युरो सदस्य भएको परिचयपत्र देखाएर तस्बिर खिचाएका छन् ।

बादल भने स्थायी समिति सदस्य रहेका थिए । १० बर्षे जनयुद्धको क्रममा तत्कालीन माओवादीले जाँड रक्सी तथा अन्य विभिन्न यस्ता खाले क्रियाकलापमा भने बन्देज लगाएको थियो ।

यसबारे बुझ्न जनयुद्धमा हिडेका एक पूर्वमाओवादीका नेतालाई सम्पर्क गर्दा उनले भने, पार्टीमा अनुशासन पद्धति सवै कुरा अत्यन्तै सालिन र प्रणालीगत हुन्थ्ये । यसमा अब अहिले आएर के भन्नू के नभन्नू ।