ताजा समाचार

अवैध रूपमा वन्यजन्तुको अंग तस्करी गर्ने ७ जना हतियारसहित पक्राउ

समाचार
-
       

धनगढी । जिल्ला प्रहरी कार्यालय बाजुराले बुढीनन्दा नगरपालिका-८ स्थित शिल्पे लेकमा अवैध रूपमा वन्यजन्तुको अंग तस्करी गर्ने ७ जनालाई हतियारसहित पक्राउ गरेको छ ।

पक्राउ पर्नेमा बुढीनन्दा ८ गोठीका आइते बोहरा, बल बहादुर बोहरा, मनिचन्द्र बोहरा, कविन्द्र बोहरा, दल कामी, पृथ्वी बोहरा र बुढीनन्दा १० पिरकोटका पृथ्वी सिंह रहेको जिल्ला प्रहरी कार्यालय बाजुराका प्रहरी प्रमुख उद्धव सिंह भाटले जानकारी दिए ।

उनीहरूबाट ४ थान भरुवा बन्दुक बरामद भएको छ । पक्राउ परेकाहरूबाट ५ थान वन्यजन्तुको छाला समेत प्रहरीले बरामद गरेको छ । उनीहरूबाट थारको छाला,रतुवाको र घोरलको छाला समेत प्रहरीले बरामद गरेको हो ।

“मुलुकी अपराध संहिता ऐन २०७४” को दफा १३२ बमोजिम “हातहतियार खरखजना सम्बन्धी कसुर”मा मुद्दा दर्ता गरी अनुसन्धान कार्य भइरहेको जिल्ला प्रहरी कार्यालय बाजुराले जनाएको छ ।

Comments

प्रकाशित मिति : 2019-12-26

अरु समाचार

© NewsNepal 2018 - All Right Reserved.
newsnepal.com 2017.hlon.org