ताजा समाचार

परराष्ट्र मन्त्रालयका ३ सहसचिव राजदूतमा सिफारिस

समाचार
- न्युज-नेपाल
       

काठमाडाैँ । सरकारले जर्मनी, बेल्जियम र पाकिस्तानका लागि राजदूत सिफारिस गरेको छ।

सोमबार बसेको मन्त्रिपरिषद् बैठकले परराष्ट्र मन्त्रालयमा कार्यरत वरिष्ठ सहसचिवबाट क्रमशः गेहेन्द्र राजभण्डारी, तापस अधिकारी र रामकाजी खड्कालाई राजदूतमा सिफारिस गरेको हो।

राजभण्डारी हाल प्रमुख शिष्टाचार महापाल, अधिकारी दक्षिणपूर्वी एसिया प्रमुख र खड्का राहदानी महाशाखामा महानिर्देशक छन्।

राजदूत पद खालि हुनुभन्दा ३ महिनाअघि सिफारिस गर्न सकिने प्रावधानअनुसार परराष्ट्र सरकारले वरीयताका आधारमा नाम पठाएको हो।

हाल पाकिस्तानमा परराष्ट्रकै सेवा लम्साल, जर्मनीमा रमेशप्रसाद खनाल र बेल्जियममा लोकबहादुर थापा कार्यरत छन्। उनीहरूमध्ये लम्साल र खनालको ४ वर्षे पदावधि यही भदौ मसान्तमा सकिँदैछ भने थापाको कात्तिक तेस्रो साता।

Comments

प्रकाशित मिति : 2020-08-18

अरु समाचार

© NewsNepal 2018 - All Right Reserved.
newsnepal.com 2017.hlon.org