विश्वमा कूल जनसंख्याको ६.८८ प्रतिशत कोरोना परीक्षण, ०.३४ प्रतिशतमा कोरोना संक्रमण

काठमाडौं। विश्वमा कोरोना भाइरस देखिए यताको करिब नौ महिनाको अवधिमा विश्वको कूल जनसंख्याको ६.८८ प्रतिशतले कोरोना परीक्षण गराएको पाइएको छ। अर्थात् उक्त अवधिमा विश्वका २१३ देश तथा क्षेत्रमा बसोबास गर्ने ५३ करोड ५३ लाख ९९ हजार ९३४ जनाले कोरोना परीक्षण गराइसकेका छन्।

कोरोना भाइरस विश्वमा पहिलोपटक सन् २०१९ डिसेम्बर अन्तिम साता चीनको हुबेई प्रान्तको राजधानी उहानमा देखिएको थियो। त्यसयता यो भाइरस विश्वका २१३ देश तथा क्षेत्रमा फैलिसकेको छ र, यसले सारा विश्वलाई अहिले ठम्प बनाएको छ। प्रायः सबै देशहरू अहिले लकडाउनको अवस्थामा रहेका छन्।

वर्ल्डोमिटर्सको तथ्याङ्कअनुसार हाल विश्वको जनसंख्या सात अर्ब ७७ करोड १९ लाख ४६ हजार ७६० रहेको छ। विश्वको कूल जनसंख्यामध्ये ०.३४ प्रतिशतमा कोरोना संक्रमण भएको पुष्टि भइसकेको छ। हालसम्म विश्वमा दुई करोड ७० लाख ६० हजार १५२ जनामा कोरोना संक्रमण देखिएको छ। विश्वमा हालसम्म गरिएका कूल कोराना परीक्षणमध्ये ५.०५ प्रतिशतमा संक्रमण भएको पाइएको छ।

विश्वमा सबैभन्दा बढीको कोरोना परीक्षण चीनमा भएको छ। चीनमा हालसम्म १६ करोड जनाको कोरोना परीक्षण गरिएको छ। अमेरिकामा हालसम्म आठ करोड ६७ लाख ५९ हजार २०२ जनाको कोरोना परीक्षण भएको छ।

विश्वको कूल जनसंख्यामध्ये ०.०१ प्रतिशतको मृत्यु कोरोनाका कारण भएको छ। हालसम्म कोरोनाका कारण विश्वमा आठ लाख ८३ हजार ६५२ जनाको मृत्यु भइसकेको छ। विश्वमा रहेका कूल कोरोना संक्रमितमध्ये एक करोड ९१ लाख ६० हजार १८० जना उपचारपछि निको भइसकेका छन्। अहिले विश्वमा उपचारत कोरोना संक्रमितको संख्या ७० लाख १६ हजार ८३३ रहेको छ।

नेपालमा हालसम्म सात लाख ५७ हजार ९६३ जनाको कोरोना परीक्षण गरिएको छ। अर्थात् प्रति १० लाख २५ हजार ९३१ जनाको नेपालमा कोरोना परीक्षण भएको छ। स्वास्थ्य तथा जनसंख्या मन्त्रालयको तथ्याङ्कअनुसार नेपालमा हालसम्म ४५ हजार २७७ जनामा कोरोना संक्रमण भएको पाइएको छ। संक्रमितमध्ये २८० जनाले ज्यान गुमाइसकेका छन् भने २७ हजार १२७ लाई निको भइसकेको छ।

विश्वमा सबैभन्दा बढीको कोरोना परीक्षण चीनमा भएको छ। चीनमा हालसम्म १६ करोड जनाको कोरोना परीक्षण गरिएको छ। अमेरिकामा हालसम्म आठ करोड ६७ लाख ५९ हजार २०२ जनाको कोरोना परीक्षण भएको छ।

भारतमा चार करोड ७७ लाख ३८ हजार ४९१ जनाको कोरोना परीक्षण गरिसकिएको छ। ब्राजिलमा कोरोना परीक्षण गर्नेको संख्या एक करोड ४४ लाख आठ हजार ११६ रहेको छ।

रूसले हालसम्म तीन करोड ८१ लाख जनताको कोरोना परीक्षण गरेको छ। पेरूमा कोरोना परीक्षण गर्नेको संख्या ३३ लाख ५३ हजार ४३५ रहेको छ। जर्मनीमा एक करोड २३ लाख ८३ हजार ३५ जनाको कोरोना परीक्षण भएको छ। कोलम्बियामा यो संख्या २९ लाख ६ हजार २७० छ।

यस्तै, दक्षिण अफ्रिकामा ३७ लाख ८३ हजार ८२३, स्पेनमा ९२ लाख १० हजार ३३७, बेलायतमा १ करोड ७६ लाख १९ हजार ९८७, इरानमा ३३ लाख ५५ हजार १५२, साउदी अरबमा ५३ लाख ६४ हजार ४७१, फ्रान्समा ८५ लाख, टर्कीमा ७६ लाख ८२ हजार ६९७ र पाकिस्तानमा २७ लाख ३२ हजार ३२५ जनाको कोरोना परीक्षण गरिएको छ।

Comments