ताजा समाचार

एसपी रामेश्वर यादव भ्रष्टाचार मुद्दामा दोषी ठहर

समाचार
- न्यूज नेपाल
       

काठमाडौं । नेपाल प्रहरीका उपरीक्षक (एसपी) रामेश्वर यादवलाई सर्वोच्च अदालतले विशेष अदालतको फैसला उल्टाउँदै भ्रष्टाचार मुद्दामा दोषी ठहर गरेको छ ।

सिन्धुपाल्चोक प्रहरी प्रमुखका रुपमा कार्यरत उनलाई २०७० सालमा रुपन्देहीमा कार्यरत रहेका बेला भ्रष्टाचार गरेको भन्दै अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको थियो ।

सर्वोच्चले मुद्दा दर्ता भएको झन्डै साढे ७ वर्षपछि अघिल्लो फैसला उल्टाएर यादवलाई दोषी ठहर गरेको हो । विशेषले उनलाई सफाइ भने दिएको थियो । पुस ५ गते सर्वोच्च अदालतका न्यायाधिशद्वय ईश्वरप्रसाद खतिवडा र तिलप्रसाद श्रेष्ठको संयुक्त इजलासले यादबलाई दोषी ठहर गरेको हो । यादवलाई हुने सजाय भने तोक्न बाँकी रहेको बुझिएको छ ।

Comments

प्रकाशित मिति : 2022-12-23

अरु समाचार

© NewsNepal 2018 - All Right Reserved.
newsnepal.com 2017.hlon.org