प्रधानमन्त्री दाहालविरुद्ध नाराबाजी गरेको आरोपमा जेल चलान भएका युवक रिहा

राजनीति

- न्यूज नेपाल

काठमाडौं। प्रधानमन्त्री पुष्पकमल दाहालविरुद्ध नाराबाजी गरेपछि कारगार चलान भएका तीनजना युवक रिहा भएका छन् । अभद्र व्यवहारको मुद्दामा धरौटी नबुझाएपछि कारागार चलान भएका उनीहरु मंगलबार भने धरौटी बुझाएर रिहा भएका हुन् ।

चैत ७ गते बानेश्वरस्थित थापागाउँमा आयोजित ५८ औं अन्तर्राष्ट्रिय जातीय भेदभाव उन्मूलनसम्बन्धी सार्वजनिक कार्यक्रममा सहभागी हुने क्रममा प्रधानमन्त्री प्रचण्डविरुद्ध नाराबाजी गर्ने तीन जनालाई नियन्त्रणमा लिएर मुद्दा चलाइएको थियो । मुद्दा खेप्नेमा सोलुखुम्बुका २३ वर्षीय उद्धव बस्नेत, बागलुङका ३० वर्षीय सोम शर्मा र बझाङका १८ वर्षीय विप्लव खड्का रहेका थिए ।

सो मुद्दामा १२ चैतमा काठमाडौंका प्रमुख जिल्ला अधिकारी घनश्याम उपाध्यायले ५ हजार धरौटी तोकेका थिए । धरौटी नबुझाएपछि उनीहरु जेल चलान भएका थिए । तर, मंगलबार धरौटी बुझाएर उनीहरु रिहा भएका हुन् । उनीहरुलाई नियन्त्रणमा लिने क्रममा प्रहरीले मुख थुनेको भिडियो सार्वजनिक भएपछि सरकार तथा प्रधानमन्त्री प्रचण्डको आलोचना भएको थियो ।