भक्तपुर मालपोतका नायब सुब्बासहित ६ जनाविरुद्ध १० करोड ९२ लाखभन्दा बढीको बिगो दाबीसहित मुद्दा दर्ता

Blog

- न्यूज नेपाल

काठमाडौं । अख्तियार दुरुपयोग अनुसन्धान आयोगले मालपोत कार्यालय, भक्तपुरका नायब सुब्बा यदुनाथ आचार्यसहित ६ जनाविरुद्ध गैरकानुनी सम्पत्ति आर्जन तथा सम्पत्ति शुद्धीकरणको अभियोगमा आरोपपत्र दायर गरेको छ।

आयोगका अनुसार आचार्यले पदीय मर्यादाविपरीतका कार्य गरी गैरकानुनी रूपमा सम्पत्ति आर्जन गरेको तथा उक्त सम्पत्ति शुद्धीकरणसमेत गरेको आरोप लगाइएको छ।

आयोगले साविक भ्रष्टाचार निवारण ऐन, २०१७ को दफा १५ तथा प्रचलित भ्रष्टाचार निवारण ऐन, २०५९ को दफा २० को उपदफा (१) बमोजिमको कसुरमा ९ करोड ७२ लाख ७१ हजार ८६९ रुपैयाँ ७३ पैसा बिगो कायम गरी सजायको मागदाबी गरेको छ।

त्यसैगरी, सम्पत्ति शुद्धीकरण (मनी लाउन्डरिङ) निवारण ऐन, २०६४ को दफा ३ को उपदफा (१) का खण्ड (क), (ख) र (ग) तथा उपदफा (३) बमोजिमको कसुरमा १ करोड १९ लाख ८४ हजार ५७६ रुपैयाँ १९ पैसा बिगो कायम गरी सजाय गर्न आयोगले माग गरेको छ।

आयोगले गैरकानुनी सम्पत्ति आर्जन र त्यसको शुद्धीकरणमा संलग्न रहेको आरोपमा आचार्यसहित ६ जनालाई प्रतिवादी बनाउँदै मुद्दा दर्ता भएको हो।