नेताहरुले देशको संविधान विपरित,आफ्नो स्वार्थ अनुकुल काम गरेर देश दुर्घटनाको अवस्थामा पुग्योःडा.शेखर कोइराला

समाचार

काठमाडौं। नेताहरुले संबिधान र व्यवस्था विपरित गएर काम गर्दा मुलुक दुर्घटनाको चरम अवस्थामा पुगेको नेपाली काङग्रेसका नेता डा.शेखर कोइरालाले बताएका छन् । दलका शीर्ष नेताहरुले बालुवाटारमा बसेर संविधान विरोधी काम गरेको भन्दै नेता कोइरालाले एक कार्यक्रमामा बताएका हुन् ।

संबिधानले दिएको अधिकार भन्दा बाहिर गएर काम गरेको छ, आफ्नो स्वार्थ अनुकुल काम गर्दा देश कहाँ पुग्छ कोइरालाले प्रश्न समेत गरेका छन् ।

कोशी प्रदेश सरकारको बिश्वासको मतबारेको प्रशङ्गमा कोइरालाले भने– ‘अदालतले जे नगर्नु भन्यो शीर्षनेताहरु बसेर फेरि त्यही गर्नुभयो । संविधान र अदालतमाथिको यस्तो बल मिच्याईं कहिले सम्म ।’
कार्यक्रमलाई सम्बोधन गर्दै कोइराला राजनीतिक दलहरुको चरम राजनीतिले समाज ध्रुवीकरण हुँदै गएको र सामाजिक सद्भावसमेत बिथोलिएको समेत बताएका छन्।

दुलारी सरोकार मञ्चले अयोजना गरेको वाषिर्कोत्सव तथा सम्मान कार्यक्रममा २०१५ सालदेखि हालसम्म निर्वाचित स्थानीय प्रतिनिधि तथा तिनका परिवारलाई सम्मान गरिएको थियो ।